ஆயுர்வேத மருத்துவம்

வலிகளை போக்கும் எளிதான பாம் -தயாரிப்பது எப்படி ? சந்திரகலா லேபம் Chandra kala lepam

2012-03-07T17:00:00.000+05:30

வலிகளை போக்கும் எளிதான பாம் -தயாரிப்பது எப்படி ? சந்திரகலா லேபம் Chandra kala lepam

தேவையானமருந்துகளும் செய்முறையும்:

1. தேங்காய் எண்ணெய் – நாரிகேள தைல 400 கிராம்

2. தேன் மெழுகு – மதுச்சிஷ்ட 125 “

இவைகளை முறைப்படிசூடு செய்து உருக்கி ஒன்றாகக் கலக்கச் செய்து அக்கலவையை வடிக்கட்டும்பாத்திரத்தில் கற்பூரம் (கற்பூர) 100 கிராம் பொடித்துப் போட்டு வடிக்கட்டப்படும் அக்கலவையின் சூட்டிலேயே கற்பூரம்கரையும்படி கலக்கவும். அக்கலவை ஆறிக் களிம்புபோல் ஆனபின்னர் பொடித்துச் சலித்தவெள்ளை மிளகுச் சூரணம் (ஸ்வேத மரீச்ச) 50 கிராம் சேர்த்துக் கலந்து பத்திரப்படுத்தவும்.

கோடை நாட்களில் கலவை களிம்பாகத் தாமதித்தால்,அப்பாத்திரத்தை மணலில்வைத்து மணலைத் தண்ணீரால் நனைத்துக்கொண்டே இருக்கக் களிம்பாகும்.

பயன்படுத்தும்முறை:

மேற்பூச்சாக (அப்யங்க) வெளிஉபயோகத்திற்கு மட்டும்.

தீரும் நோய்கள்:

தலைவலி (சிரோருஜா (அ) சிரோருக்), சளிப்பு (அ) ஜலதோஷம் (ப்ரதிஸ்யாய), மூட்டுவலி (சந்திவாதஜன்ய சூல).

வெண் குஷ்டம் என்னும் வெண்புள்ளிகளுக்கு சிறந்த மருந்து -அவல்குஜாதி லேபம்-Avalgujadhi Lepam

2012-03-05T16:10:00.001+05:30

வெண் குஷ்டம் என்னும் வெண்புள்ளிகளுக்கு சிறந்த மருந்து -அவல்குஜாதி லேபம்-Avalgujadhi Lepam

தேவையானமருந்துகளும் செய்முறையும்:

1. கார்போக அரிசி – அவல்குஜா 50 கிராம்

2. சரக்கொன்னை இலை (உலர்ந்தது) – ஆரக்வத பத்ர 50 “

3. மஞ்சள் – ஹரித்ரா 25 “

இவைகளை நன்குபொடித்துச் சலித்து அத்துடன் ஓடு நீக்கி விழுதாக அரைத்த நீரடிமுத்துப் பருப்பு(துவரகபீஜ) 50 கிராம்சேர்த்துக் கலந்து பின்னர் தனியே பொடித்த பிண்டதாளகம் (ஹரிதாள) 25 கிராம் சேர்த்து எல்லாவற்றையும் ஒன்றுபட நன்குகலந்து பத்திரப்படுத்தவும்.

உபயோகிக்கும்விதம்:

பசுவின் மூத்திரம், நல்லெண்ணெய், தேங்காய் எண்ணெய் அல்லது கார்போக அரிசி கஷாயம்இவைகளுடன் கலந்து மேலே பூசவும்.

பயன்படுத்தும்முறை:

வெளி உபயோகத்திற்கு மட்டும்.

தீரும் நோய்கள்:

வெண்குஷ்டம் (ஸ்வித்ர), உடல் நிறம் மங்கல் (அ) மாற்றம் (வர்ணவிக்ருதி),சொறி (கண்டு), படை (விஸர்ச்சிகா), தோல் வெடிப்பு (விபாடிகா), புண்கள் (வ்ரண).

நல்லெண்ணெய்யுடன் கலந்து பூச சொறி, நமைச்சல் தீரும், தேங்காயெண்ணெய்யுடன் கலந்து பூச தோல்வெடிப்பில் நலம் பயக்கும். புரசம்பூ (பலாஸ) கஷாயத்துடன் இதனைக் கலந்து பூச படைகள்ஒழியும். வெண்குட்டம் போன்ற நிலைகளில் கார்போக அரிசிக் (பாகுசி) கஷாயத்துடன்கலந்து பயன்படுத்தப்படுகிறது. புண்கள் விரைவில் ஆறவும் உதவுகிறது.

குறிப்பு:

சிலருக்கு இது ஒத்துக்கொள்ளாமல் தோல் எரிச்சல்உண்டாகி தோல் வெடிப்பும் நேரலாம். அந்த நேரங்களில் இதனைத் தவிர்த்துவிட்டுபாதிக்கப்பட்ட இடத்தில் நெய்யினைத் தடவி வரலாம்.

தெரிந்து கொள்ள வேண்டியவை

எல்லா வகையான வெண் புள்ளிகள் மற்றும் -வெள்ளையாகும் தோல் நோய்களுக்கு சிறந்த மருந்து இதை விட வேறு இல்லை
வெண் புள்ளிகளுக்கு -உள் மருந்தாக ஆயுர்வேதத்தில் சித்ரக லேஹியம் ,சித்ரகாசவம் போன்ற மருந்துகளும் சித்த மருத்துவத்தில் கார்போகி மாத்திரை ,சிவனார் வேம்பு சூர்ணம் ,சிவனார் வேம்பு குழி தைலம் ,அன்ன பேதி செந்தூரம் ,அய காந்த செந்தூரம் ,ஹோமியோ மருந்தில் ஆர்ஸ் அல்ப், ஆர்ஸ் சல்ப் ப்லேவஸ் (ASF) பெரைட்டா மூர் ,பெரைடா கார்ப் போன்ற மருந்துகளும் நல்ல பலன் தரும்

லேபம் -களிம்பு -செய்வது எப்படி -Lepam Preperation

2012-03-04T14:54:00.002+05:30

லேபம் -களிம்பு -செய்வது எப்படி -Lepam Preperation

(சித்தாவில் - களிம்பு, வெண்ணெய், மெழுகு; யுனானியில் :- மர்ஹம்)

களிம்பு அல்லது பசைவடிவில் தயாரிக்கப்பட்டமருந்துகளுக்கு “லேபம்” என்று பெயர். லேபங்கள் வெளிப்பூச்சு மருந்தாகமட்டுமே உபயோகப்படுகின்றன. பெரும்பாலும் இவைகள் எண்ணெய், தேன்மெழுகு இவைகளை உருக்கிக் கலந்து களிம்புபோல் செய்து கொண்டு அத்துடன் பொடித்துச் சலித்த களிம்பு போல் செய்து கொண்டுஅத்துடன் பொடித்துச் சலித்த மருந்துச் சரக்குகளைச் சேர்த்து தயாரிக்கப்படுகின்றன.

சரக்குகளைப் பொடித்துச் சலித்து அப்பொடியைதிரவங்களுடன் கலந்து லேபங்களாக உபயோகிப்பதும் உண்டு. தாளகம், மனோசிலை, போன்ற சரக்குகளைத் தனித்தனியே பொடித்துக்கொண்டு ஏற்கெனவே பொடித்துச் சலித்த சூரணத்துடன் சேர்க்க வேண்டும். ரஸம், கந்தகம் இவைகளைக் கஜ்ஜளி செய்து கொண்டு நன்குபொடியாக்கி சலித்த சூரணத்துடன் சேர்க்க வேண்டும்.

கற்பூரத்தை நன்கு பொடித்துக் கொண்டு எண்ணெய்,தேன்மெழுகு இவைகளின்சூடான கலவையை வடிக்கட்டும் பாத்திரத்தில் போட்டு அந்த சூடு இருக்கும் போதேசேர்த்து நன்கு கலக்கிக் கரைத்துச் சேர்க்கவேண்டும்.

எண்ணெய், தேன் மெழுகு இவைகளைக் கொண்டு லேபங்கள்தயாரிக்கையில் செய்முறையில் குறிப்பிட்டுள்ள மருந்துச் சரக்குகளைத் தனித்தனியேநன்கு பொடித்தோ அல்லது பொடித்துச் சலித்தோ நுன்ணியதாக்கி ஒன்று கலந்துவைக்கவேண்டும். பின்னர் சிறு, சிறுதுண்டுகளாக்கிய தேன்மெழுகு கரையும் அளவிற்கு எண்ணெய்ச் சூடாக்க வேண்டும். அவ்விதம்சூடான பின் தேன் மெழுகுத் துண்டுகளை அவ்வெண்ணெய்யிலிட்டு அவைகள் நன்கு கறைந்த பின்னர் அதே சூட்டுடன் வடிகட்டிகளிம்பு போல் கெட்டியாகும் வரை வைக்கவும். கெட்டியான பின் நுண்ணியதாக்கிக் கலந்தசூரண வகைகளைச் சேர்த்து நன்கு கலந்து பத்திரப்படுத்தவும். சில சமயங்களில் வடிகட்டியவுடன் சூரணங்களைக் கலந்து நன்கு கலக்கிக்கட்டவைப்பதும் உண்டு.

குறிப்பு -பலர் இப்போது பெட்ரோலியம் ஜெல்லி கலந்து எளிமையாக லேபம் தயாரித்து விடுகிறார்கள்

எல்லா வகையான மூலத்திற்கும்-காங்காயன வடி-Kabkayana Vati

2012-03-03T20:00:00.000+05:30

எல்லா வகையான மூலத்திற்கும்-காங்காயன வடி-Kabkayana Vati

(ref-சாரங்கதர ஸம்ஹிதா - மத்யமகண்ட)

தேவையானமருந்துகள்:

1. ஓமம் (குராஸானி) – பார்சீகயவனி 40 கிராம்

2. சீரகம் – ஜீரக 40 “

3. கொத்தமல்லி விதை – தான்யக 40 “

4. மிளகு – மரீச்ச 40 “

5. விஷ்ணுக் கரந்தை (உலர்ந்தது) – விஷ்ணுக்ரந்தி 40 “

6. ஓமம் – அஜமோதா 40 “

7. கருஞ்சீரகம் – க்ருஷ்ண ஜீரக 40 “

8. பெருங்காயம் (பொரித்தது) – ஹிங்கு 60 “

9. ஸர்ஜக்ஷாரம் – ஸர்ஜக்ஷார 80 “

10. யவக்ஷாரம் – யவக்ஷார 80 “

11. இந்துப்பு – ஸைந்தவலவண 80 “

12. கல்லுப்பு – ஸ்வர்ச்சலவண 80 “

13. கரியுப்பு – பிடாலவண 80 “

14. சோற்றுப்பு – ஸமுத்ரலவண 80 “

15. வளையலுப்பு – காச்சலவண 80 “

16. கருஞ்சிவதை – த்ரிவ்ருத் 80 “

17. நாகதந்திவேர் (நேர்வாளவேர்) – தந்தீமூல 160 “

18. கிச்சிலிக் கிழங்கு – ஸட்டீ 160 “

19. புஷ்கரமூலம் – கோஷ்ட 160 “

20. வாயுவிடங்கம் – விடங்க 160 “

21. மாதுளை ஓடு – தாடிமத்வக் 160 “

22. கொடிவேலி வேர் – சித்ரக 160 “

23. சீமைக் கொடுக்காய்ப் புளி – அம்லவேதஸம் 160 “

24. சுக்கு – சுந்தீ 160 “

25. கடுக்காய்த் தோல் – ஹரீதகீ பலத்வக் 160 “

செய்முறை:

இவற்றை முறைப்படி நன்கு பொடித்துச் சலித்துக்கல்வத்திலிட்டு போதுமான அளவு துருஞ்சிச்சாறு கொண்டு நன்கு அரைத்துப் பதத்தில்ரவைகளாக்கி 500 மி.கி. எடையுள்ளமாத்திரைகளாகச் செய்து பத்திரப்படுத்தவும்.

அளவு:

ஒன்று முதல் இரண்டு மாத்திரைகள் வரைநெய், பால், நீர் (அ) மோர் (மத்யம்) ஆகியவற்றுடன்.

தீரும் நோய்கள்:

மூலம் (அர்ஷ), குன்மம் (குல்ம), இதய நோய் (ஹ்ருத் ரோக), பெருங்கழிச்சல் (கிரஹணீ), வயிற்றுப்பூச்சிகள் (க்ருமி), சூலை (சூல), இரத்த பித்தம் (ரக்த பித்த), குடற்புண்கள்.

தெரிந்து கொள்ள வேண்டியவை

ஆசன வாய் வெடிப்பிற்கு -சிர வில்வாதி கஷாயம் + திரிபலா குக்குலு + இந்த காங்கயன வடி = நூற்றுக்கு நூறு நல்ல பலன் தெரியும்
உள் மூலம் - சிர வில்வாதி கஷாயம் அல்லது துராலபாதி கஷாயம் + அர்ஷகன வடி + பஹுசால குட லேஹியம் அல்லது சூரனாதி லேஹ்யியம் + இந்த மருந்து நல்ல பலன் தரும்
இரத்த மூலம் இந்த மாத்திரை சேராங்கொட்டை சேர்ந்த மருந்துகளுடன் முன்னர் சொன்ன மருந்துகள் நல்ல பலன் தெரியும்
பவுந்திரத்திர்க்கு இந்த மருந்து குப்பை மேனி உப்பு + இந்த மாத்திரை நல்ல பலன் தெரியும்

சளி இருமலுக்கு உதவும் -வியோஷாதி குடிகா

2012-03-03T12:16:00.000+05:30

சளி இருமலுக்கு உதவும் -வியோஷாதி குடிகா
(ref-சாரங்கதர ஸம்ஹிதா - மத்யமகண்ட)

தேவையானமருந்துகள்:

1. திரிகடு (வகைக்கு) – திரிகடு 12.5 கிராம்

2. சீமைக் கொடுக்காய்ப்புளி – ஆம்லவேதஸ 12.5 “

3. செவ்வியம் – சவ்ய 12.5 “

4. தாளிச பத்திரி – தாளீச 12.5 “

5. கொடிவேலிவேர் – சித்ரகமூல 12.5 “

6. சீரகம் – ஜீரக 12.5 “

7. புளி – திந்திரிணீ 12.5 “

8. ஏலக்காய் – ஏலா 3.25 “

9. இலவங்கப்பட்டை – லவங்கத்வக் 3.25 “

10. சிறுநாகப்பூ – நாககேஸர 3.25 “

11. வெல்லம் – குட 250 “

செய்முறை:

இவைகளைப் பொடித்து சலித்து முறைப்படிரவைகளாக்கி பதத்தில் 500 மி.கி. எடையுள்ளமாத்திரைகளாகச் செய்யவும்.

அளவு:

ஒன்று முதல் இரண்டு மாத்திரைகள் வரை.

தீரும் நோய்கள்: இருமல் (காஸ), இரைப்பு (அ) இழைப்பு (ஸ்வாஸ), இரைப்பிருமல் (காஸஸ்வாஸ), பீனிசம் (பீனஸ), நாட்பட்ட மூக்கழற்சி.

தெரிந்து கொள்ள வேண்டியவை

அடிக்கடி சளி பிடிப்பவர்களுக்கு ஆன்டி பயாடிக் போல உதவும் ..
தொண்டை வலிக்கு -தொண்டை அழற்சிக்கு இந்த மருந்தை உபயோகிக்கலாம்
வ்யோஷம் என்றால் திரிகடு என்று பொருள்
கொடுவேலி இருப்பதால் மருந்தின் வீர்யம் ஆங்கில மருந்துக்கு இணையாக வேலை செய்யும்
டான்சிலைட்டீசுக்கு -ஹோமியோ நல்ல மருந்தான பெல்லடோனா ,பெரைட்டா கார்ப் போன்ற மருந்தோடு தர நல்ல பலன் தெரிகிறது

எங்கேயடி கற்றாய் எனை கொல்லும் வர்மக்கலை

2012-02-14T22:57:00.001+05:30

காதலர் தினத்தில் என் காதல் மனைவிக்கு எழுதுகிற காதல் கவிதை ..
(இந்த காதல் கவிதை பரிபாசைகள் அடங்கியது ..வர்மம் தெரிந்தவர்களுக்கு பொருள் தெளிவது எளிது)

சுழுமுனையில் அதிர்வாக்கி-என்
பஞ்ச வர்ணக்குகையை பஞ்சாக்கி
தஷ நாடிகளையும் தாறுமாறாக்கி-என்னுள்
நோய் நிலை ,காயநிலை பாதிப்பையும் உன் நோக்கு வர்மத்தால் உருவாக்கியவளே ....

அடங்கல்கள் அறுபத்திநான்கு தெரிந்தாலும் -13 ம் திறவுகோல் தனை தான்
அற்புதமாய் காட்டுவாயோ ..என் படு வர்மத்தில் பாதிப்பை ஏற்படுத்தியவளே ..
என் கண்ணில் உன் பிம்பம்
எங்கேயடி கற்றாய் இத்தனை வர்மங்களையும் எனை கொல்வதற்கு!!!

ஆற்றல் பரிமாற்றமும் வாசிநிலை என்றால் ..
ஊசிமுனை அளவாவது உன் வாசி என் காயம் ஏற்றட்டுமே ?
பூநீர் ,முப்பு ,காயகல்பம் அடங்கல் எல்லாம் உன் வசமே ..
கடப்பதும் ,கடத்துவதும் ,கட்டுபடுத்துவதும் ,காப்பாற்றுவதும் உன் கையிலே

ஆதாரங்கள் ஆறல்ல -எழு உன்னையும் சேர்த்து
பட்சிகள் ஐந்தல்ல -ஆறு என்னையும் சேர்த்து (உன்னை சுற்றுவதால் )
குற்றங்கள் மூன்றல்ல -நான்கு உன்னையும் சேர்த்து
உயிர் இரண்டல்ல -ஒன்று உன்னிடமும் என்னிடமும் கலந்தே உள்ளதடி ..

நாளை முதல் தொடர் கட்டுரைகளை எதிர்பார்க்கலாம்

2012-02-12T23:28:00.000+05:30

தவிர்க்க முடியாத காரணங்களால் நீண்ட இடை வேளை...நாளை முதல் கட்டுரைகள் தொடரும்

கல்லீரல் மண்ணீரல் வீக்கத்திற்கு க்ஷீரபிப்பலி -Ksheera Pippali

2012-01-27T00:51:00.001+05:30

கல்லீரல் மண்ணீரல் வீக்கத்திற்கு க்ஷீரபிப்பலி -Ksheera Pippali

(ref-சக்ரதத்த)\

தேவையானமருந்துகள்:

1. திப்பிலி – பிப்பலீ போதுமானஅளவு

2. கள்ளிப்பால் – ஸ்னுஹிக்ஷீர போதுமானஅளவு

செய்முறை:

இவைகளை நுண்ணியதாக அரைத்துப் பதத்தில் 100 மி.கி. எடையுள்ள மாத்திரைகளாக உருட்டிஉலர்த்திப் பத்திரப்படுத்தவும்.

அளவும்அனுபானமும்:

ஒன்று முதல் இரண்டுமாத்திரைகள் வரை தேன் அல்லது நெய்யுடன்.

தீரும் நோய்கள்:

பசிக்குறைவு (அக்னி மாந்த்ய), இருமல் (காஸ), இழைப்பு (ஸ்வாஸ), கல்லீரல், மண்ணீரல் பெருக்கம் (யக்ருத்ப்லீஹ வ்ருத்தி),காய்ச்சல் (ஜ்வர),மிதமான மலமிளக்கி.

இரிடபல் பவல் சின்ட்ரோம் என்னும் கிராணி கழிச்சளுக்கு- சித்ரக குடிகா Chitraka gutika

2012-01-20T00:30:00.000+05:30

இரிடபல் பவல் சின்ட்ரோம் என்னும் கிராணி கழிச்சளுக்கு-சித்ரக குடிகா Chitraka gutika

(tef-பைஷஜ்ய ரத்னாவளி - கிரஹண்யதிகாரம்)

தேவையானமருந்துகள்:

1. கொடிவேலி – சித்ரக 100 கிராம்

2. திப்பிலி மூலம் – பிப்பலீ மூல 100 “

3. ஸர்ஜ க்ஷாரம் – ஸர்ஜக்ஷார 100 “

4. யவக்ஷாரம் – யவக்ஷார 100 “

5. இந்துப்பு – ஸைந்தவலவண 100 “

6. கல்லுப்பு – ஸ்வர்ச்சலவண 100 “

7. சோற்றுப்பு – சமூத்ரலவண 100 “

8. கரி உப்பு – பிடலவண 100 “

9. வளையலுப்பு – காச்சலவண 100 “

10. சுக்கு – சுந்தீ 100 “

11. மிளகு – மரீச்ச 100 “

12. திப்பிலி – பிப்பலீ 100 “

13. பெருங்காயம் (பொரித்தது) – ஹிங்கு 100 “

14. ஓமம் – அஜமோதா 100 “

15. செவ்வியம் – சவ்ய 100 “

16. துருஞ்சி அல்லது எலுமிச்சை சாறு – மாதுலங்கரஸ

(அ) ஜம்பீர ரஸ போதுமான அளவு

செய்முறை:

பழச்சாறு நீங்கலாக மற்றவைகளை முறைப்படிபொடித்துச் சலித்துக் கல்வத்திலிட்டு பழச்சாறு கொண்டு நன்கு அரைத்துப் பதத்தில் 500 மி.கி. எடையுள்ள மாத்திரைகளாக்கவும்.

அளவும்அனுபானமும்:

ஒன்று முதல் நான்குமாத்திரைகள் வெந்நீர் அல்லது மோருடன்.

தீரும் நோய்கள்:

பசிக்குறைவு (அக்னிமாந்த்ய), செரியாமை தோஷக்கோளாறுகள் (ஆமதோஷ), பெருங்கழிச்சல் (க்ரஹணீ), குன்மம் (குல்ம), வயிற்று வலி (குக்ஷி சூல).

உணவு விஷமானதால் ஏற்படும் -காய்ச்சல் மற்றும் வாந்தி பேதிக்கு - ஸஞ்சீவினீ வடி -Sanjeevani vati

2012-01-19T16:30:00.000+05:30

உணவு விஷமானதால் ஏற்படும் -காய்ச்சல் மற்றும் வாந்தி பேதிக்கு -
ஸஞ்சீவினீ வடி -Sanjeevani vati

(ஸாரங்கதரஸம்ஹிதா- மத்யமகண்ட)

தேவையானமருந்துகள்:

1. வாயுவிடங்கம் – விடங்க 10 கிராம்

2. சுக்கு – சுந்தீ 10 கிராம்

3. திப்பிலி – பிப்பலீ 10 “

4. கடுக்காய் (கொட்டை நீக்கியது) – ஹரீதகீ பலத்வக் 10 “

5. தான்றிக்காய் (கொட்டை நீக்கியது) – பிபீதகீ பலத்வக் 10 “

6. நெல்லிமுள்ளி – ஆமலகீ பலத்வக் 10 “

7. வசம்பு – வச்சா 10 “

8. சீந்தில் கொடி – குடூசீ 10 “

9. சேராங்கொட்டை (சுத்தி செய்தது) – ஷோதித பல்லாதக 10 “

10. நாபி (சுத்தி செய்தது) – ஷோதித வத்ஸநாப 10 “

செய்முறை:

இவைகளைச் சேராங்கொட்டை, நாபி நீங்கலாகப் பொடித்துச் சலித்துக்கல்வத்திலிட்டு பசுவின் மூத்திரம் (கோமூத்திர) கொண்டு அரைக்கவும். சேராங்கொட்டை,நாபி இவைகளைத் தனியேசிறிது கோமூத்திரத்தில் ஊறவைத்து நன்கு அரைத்துச் சேர்த்து எல்லாவற்றையும் பசுவின்மூத்திரம் விட்டரைத்து 50 மில்லி கிராம்மாத்திரைகளாக உருட்டி நிழலில் உலர்த்தி பத்திரப்படுத்தவும்

தீரும் நோய்கள்:

செரியாமை (அஜீர்ண), குன்மம் (குல்ம), வாந்திபேதி (விஷுஸிகா), காய்ச்சல் (ஜ்வர), பாம்புக்கடி (ஸர்ப்பதம்ஷ்ட்ட).

தெரிந்து கொள்ள வேண்டியவை

புட் பாய்சன் என்னும் உணவு நஞ்சாகி போதலால் ஏற்படும் காய்ச்சல் ,வாந்தி பேதி போன்றவற்றை சரி செய்யும்
நாள்பட்ட காய்ச்சலுக்கும் இந்த மருந்து நன்றாக வேலை செய்யும்
சேராங்கொட்டை இருப்பதால் இந்த மருந்து -கட்டிகளை குறைக்க -இன்பெக்டட் காயங்கள் இந்த மருந்தால் மாறும்
ஆண்டி பயாடிக் போல இந்த மருந்து பயன்படும்

குண்டா இருக்கீங்களா ? - உடல் எடை குறைய நல்ல மருந்து -நவக குக்குலு Navaka Gugglu

2012-01-16T00:53:00.000+05:30

குண்டா இருக்கீங்களா ? - உடல் எடை குறைய நல்ல மருந்து -நவக குக்குலு Navaka Gugglu

(ref- பைஷஜ்ய ரத்னாவளி - மேதோரோகாதிகாரம்)

தேவையான மருந்துகள்:

1. சுக்கு – சுந்தீ 10 கிராம்

2. மிளகு – மரீச்ச 10 “

3. திப்பிலி – பிப்பலீ 10 “

4. கொடிவேலிவேர் – சித்ரகமூல 10 “

5. வாயுவிடங்கம் – விடாங்க 10 “

6. கடுக்காய் (கொட்டை நீக்கியது) – ஹரீதகீ பலத்வக் 10 “

7. தான்றிக்காய் (கொட்டை நீக்கியது) – பிபீதகீ பலத்வக் 10 “

8. கோரைக்கிழங்கு – முஸ்தா 10 “

செய்முறை:

இவைகளை நன்கு பொடித்துச் சலித்து சுத்திசெய்த குக்குலு (ஷோதித குக்குலு) 90 கிராம்சேர்த்துக் கல்வத்திலிட்டு திரிபலா கக்ஷாயம் விட்டு துண்ணியதாக அரைத்து 500 மில்லி கிராம் மாத்திரைகளாக்கி நிழலில்உலர்த்திப் பத்திரப்படுத்தவும்.

அளவும்அனுபானமும்:

ஒன்று முதல் இரண்டுமாத்திரைகள் வரை தண்ணீருடன் இரு வேளைகள்.

தீரும் நோய்கள்:

உடல் பருமன் (மேதோவ்ருத்தி (அ) ஸ்தூலதா), உடல் துர்நாற்றம் (சரீர தௌர்கந்த்ய), ஆமவாதம் (ஆமவாத), கீல்வாயு (அ) வாதம் (சந்திகாதவாத), பேராசன நரம்புவலி (க்ருத்ரஸி), நாட்பட்ட புண்கள் (புராணவ்ரண), கொப்பளங்கள், கட்டிகள்.

தெரிந்து கொள்ள வேண்டியவை

கொடம்புளி சூப்புடன் -இந்த மாத்திரையை காலை மாலை இரண்டு சாப்பிட வெகு வேகமாக எடை குறையும் ..
வாரனாதி கஷாயம் அல்லது வராதி கஷாயம் + இந்த மாத்திரையும் எடை குறைய பயன்படுத்தலாம் ..
மேலே சொன்ன அனுபானம் கிடைக்காதவர்கள் ..திரிபலா கஷாயம் அல்லது கொள்ளு கஷாயம் கூட நல்ல பலன் தரும்
உடல் குண்டானதால் ஏற்படும் கால் வலி ,வாத நீர் போன்றவற்றுக்கும் இந்த மாத்திரை வேலை செய்யும்
ஆகாரத்தில் கட்டுப்பாடு ,சரியான உடல் பயிற்சியும் அவசியம் செய்யவேண்டும்

காணாக்கடிக்கும் விஷ கடிக்கும் நல்ல மருந்து பில்வாதி குடிகா- Bilwadhi Gutika

2012-01-13T00:27:00.000+05:30

காணாக்கடிக்கும் விஷ கடிக்கும் நல்ல மருந்து
பில்வாதி குடிகா- Bilwadhi Gutika

(அஷ்டாங்கஹ்ருதயம், உத்தரஸ்தானம் –ஸர்ப்பவிஷ சிகித்ஸா)

தேவையானமருந்துகள்:

1. வில்வவேர் – பில்வமூல 50 கிராம்

2. துளசிப்பூ – துளசி புஷ்ப 50 “

3. புங்கம் பருப்பு – கரஞ்ஜபீஜ மஜ்ஜ 50 “

4. கிரந்தி தகரம் – தகர 50 “

5. தேவதாரு – தேவதாரு 50 “

6. கடுக்காய் (கொட்டை நீக்கியது) – ஹரீதகீ பலத்வக் 50 “

7. தான்றிக்காய் (கொட்டை நீக்கியது) – பிபீதகீ பலத்வக் 50 “

8. நெல்லிமுள்ளி – ஆமலகீ பலத்வக் 50 “

9. சுக்கு – சுந்தீ 50 “

10. மிளகு – மரீச்ச 50 “

11. திப்பிலி – பிப்பலீ 50 “

12. மஞ்சள் – ஹரித்ரா 50 “

13. மரமஞ்சள் – தாரு ஹரித்ரா 50 “

செய்முறை:

இவைகளை நன்கு பொடித்துச் சலித்துக்கல்வத்திலிட்டு வெள்ளாட்டின் மூத்திரம் (அஜமூத்ர) விட்டரைத்து 500 மில்லி கிராம் மாத்திரைகளாகச் செய்யவும்.

அளவும்அனுபானமும்:

ஒன்று முதல் இரண்டுமாத்திரைகள் வரை, இரண்டு முதல்நான்கு வேளைகள் தேன் அல்லது தண்ணீருடன் கொடுக்கவும்.

தீரும் நோய்கள்:

சிலந்தி, தேள், பாம்பு, எலி ஆகியவற்றின் கடி விஷம் (லூத, வ்ருஷிக, ஸர்ப்ப, ஆகு விஷ), வாந்திபேதி (விஷூஸிகா), செரியாமை (அஜீர்ண), அஜீர்ண பேதி, இடு விஷம் (அ) மருந்தீடு (கரவிஷ (அ) கரதோஷ),காய்ச்சல் (ஜ்வர).

விஷக்கடிகளில் இதனைத் தண்ணீருடன் உரைத்துக்கடிவாயின் மேல் பூசலாம்.

தெரிந்து கொள்ள வேண்டியவை

விஷ கடிக்கு இந்த மருந்து மிக சிறந்தது
தொடர்ந்து சாப்பிட அரிப்பு ,தோல் வியாதிக்கும் நல்ல மருந்து
வில்வ வேர் சேர்த்ததால் மட்டுமே பலன் கிடைக்கும் ,வில்வ இலை சேர்த்து பல கம்பெனிகள் தயாரிப்பதாய் அறிகிறோம் ..வில்வ இலை சேர்ந்தால் எந்த பலனும் இல்லை
ஆட்டு மூத்திரம் பயன்படுவதால் ..மருந்து சற்றே அந்த வாசனை தெரியும் ..ஆனால் இம்மருந்தே நன்றாக வேலை செய்யும் ..பல கம்பெனிகள் ..பிலிம் கோட்டெட் மாத்திரைகளை வெளிவிடுகின்றன ..ஆனால் அம்மாத்திரைகளால் எந்த பலனும் இல்லை
கடிகள் எதுவானாலும் இந்த மருந்தை சாப்பிட்டால் பின்னால் பயப்படவே வேண்டாம்

விந்து முந்துதலுக்கு மருந்தாகும் (மூலம் ,மார்பக கட்டியையும் சரி செய்யும்) -பல்லாதகவடீ-Bhallathaka vati

2012-01-12T01:09:00.000+05:30

விந்து முந்துதலுக்கு மருந்தாகும் (மூலம் ,மார்பக கட்டியையும் சரி செய்யும்)
-பல்லாதகவடீ-Bhallathaka vati

(பைஷஜ்ய ரத்னாவளி - அர்சோரோகாதிகாரம்)

தேவையானமருந்துகள்:

1. சுத்தி செய்த சேராங்கொட்டை – ஷோதித பல்லாதக 50 கிராம்

2. தோல் போக்கிய எள்ளு – தில பீஜ 50 “

3. கடுக்காய் (கொட்டை நீக்கிப் பொடித்துச்சலித்தது) – ஹரீதகீ 50 “

4. வெல்லம் – குட 50 “\

செய்முறை:

சேராங்கொட்டையை நன்கு அரைத்து விழுதாக்கி ஓடுநீகியபின் மற்றவைகளை சேர்த்து அரைத்து 200 மில்லி கிராம் மாத்திரைகளாக உருட்டவும். மாத்திரை உருட்டும்போது சேராங்கொட்டைஓடு விரல்களில் தென்பட்டால் அவைகளை நீக்கி உருட்டவும்.

அளவும்அனுபானமும்:

ஒன்று முதல் இரண்டுமாத்திரைகள் வரை பாலுடன் இரு வேளைகள் நோயாளியின் தாக்குப்பிடிக்கும் தன்மைக்குஏற்ப, பொதுவாக சிறு அளவிலேதொடங்கி பின்னர் அளவைக் கூட்டிக் கொள்வதே நடைமுறை வழக்கு.

தீரும் நோய்கள்:

பரங்கிப்புண் (பிரங்கஜ வ்ரண), குஷ்டம் (தோல் நோய்கள்), கீல்வாயு (சந்திவாத), தானே விந்து வெளிப்படல் (சுக்ரமேஹ).

தெரிந்து கொள்ள வேண்டியவை

வாத கப மூலத்திற்கு அதாவது இரத்தம் வராத காய்ந்த மூலத்தை சுருக்க உதவும் ..மூலம் இந்த மருந்தால் தீரும்
சேராங்கொட்டை ஒரு காய கல்ப மூலிகை -நல்ல காமம் பெருக்கியாக உதவும் என்கிறது சாரங்கதர சம்ஹிதை
ஆசார்யர் சுஸ்ர்ததர் -ஸ்தன்ய சோதன மூலிகை என்கிறார் ..தாய்ப்பாலை சுத்தம் செய்யும் எனக்கொள்ளலாம் ..அனால் எனது அனுபவத்தில் கர்ப்பிணிகளுக்கு உபயோகிப்பதை தவிர்ப்பது நல்லது ...ஆனால் மார்பக கட்டிகள் ,மார்பக புற்று நோய்க்கும் இந்த மருந்து நன்றாக வேலை செய்யும்
சேராங்கொட்டை சுத்தம் செய்யாமல் பயன்படுத்தினால் அது ஆபத்தாக முடியும்
சீக்கிரம் விந்து நழுவுதல் என்னும் -விந்து முந்துதலுக்கு -இந்த மருந்தை தக்க துணை மருந்தோடு -படித்த ஆயர்வேத மருத்துவரின் துணையோடு சாப்பிட -நல்ல பலன் கிடைக்கும்
வாத நீர் சம்பதமான வலிகளை போக்கும் ஆற்றல் உடையது
எலும்பில் வாதம் தாக்கினாலும் (அஸ்தி வக ஸ்ரோதஸ் ) அதை பக்குவமாக விடுபட செய்ய முடியும்
சற்றே உஷ்ண வீர்யம் என்பதால் தக்க கவனம் தேவை
தோல் நோய்க்கும் ,ஆறாத புண்ணுக்கும் ,கேன்சருக்கும் இந்த மருந்து நன்றாக வேலை செய்யும்

இருபது முக்கிய நோய்க்கு -ஆயுர்வேத ,சித்த ,ஹோமியோபதி ,யுனானி ,யோகா -அணுகுமுறை -இலவச தகவிறக்கம்

2012-01-08T22:38:00.001+05:30

முடக்கு வாதம்
எலும்பு அடர்த்தி குறை நோய்
எலும்பில் பசை இன்மை -எலும்பு தேய்மானம்
ஆஸ்த்மா
அலர்ஜி
பேதி
சோரியாசிஸ்
வெண் புள்ளிகள்
எக்சீமா
சர்க்கரை நோய்
இரத்த அழுத்தம்
உடல் பருமன்
மஞ்சள் காமாலை
சிறுநீரக கல்
மலேரியா
மாதவிலக்கு அடைந்த பின் வரும் நோய்கள்
கண் வலி
தூக்கமின்மை
பொதுவான பலஹீனம்
வெள்ளைபடுதல் -

இந்த நோய்களுக்கு ஆயுர்வேத ,சித்த ,ஹோமியோபதி ,யுனானி ,யோகா -காரணம் ,அணுகுமுறை ,தீர்வுகள் ,மருந்துகள் தெரிய ஆர்வமா ?

ஆயுஷ் துறை வெளிவிட்டுள்ள ஒரு அற்புதமான ஒரு ஆங்கில புத்தகம் உங்களுக்கு வரமாக காத்திருக்கிறது ..
ஆயுஷ் துறையில் பல துறை அறிஞர்கள் தொகுத்த கதம்பம் இது ..
திகட்டாத படைப்பு இது ..

இங்கே இலவச தகவிறக்கம் செய்ய இங்கே கிளிக் செய்யவும்
இலவசமாக தகவிறக்கம் செய்ய

சித்தர் மூலிகை பொழில் -Herbal Garden

2012-01-08T00:42:00.001+05:30

உலகத்தமிழ் மருத்துவ கழகத்தின் நிறுவனர் மதிப்பிற்குரிய மருத்துவர் மைக்கேல் ஜெயராஜ் அவர்களுடைய பெரு முயற்சியால்
..இன்று 07.01.2012 பாபநாசத்தில் - சித்தர் மூலிகை பொழில் ஆயிரக்கணக்கான மூலிகைகள் அடங்கிய பதினெண் சித்தர் மூலிகை பொழில் திறந்து வைக்கப்பட்டது ..

பல பள்ளிகளில் இருந்தும் மாணவ செல்வங்கள் ஆர்வத்துடன் -இந்த மூலிகை பொழிலை பார்வையிட்டு ஆர்வத்துடன் குறிப்பெடுத்தனர்..அந்த காட்சிகள் இங்கே ...

பல பள்ளிகளில் நடுவதற்கு அங்கே இலவசமாக மூலிகை மரக்கன்றுகள் வழங்கப்பட்டது ..

மாணவ மக்கள் காத்திருந்து தங்களது பள்ளியில் நடுவதற்காக வாங்கி சென்றனர் ..அவர்கள் காத்திருந்த போது மனதிற்கு எதோ இனம் புரியாத ஆத்ம சந்தோசம் ஏற்ப்பட்டது ..வாழ்க அவர் பணி

இந்த விழாவில் கலந்து கொண்டு பேசிய இயற்க்கை விவசாயி திரு அந்தோணிசாமி அவர்கள் புளியங்குடி -நஞ்சில்லா உணவு என்று பேசினார் ..300 பி பி எம் அளவுக்கு நாம் சாப்பிடுகிற தினம் தோறும் உணவில் விஷம் உள்ளது என்றும் (நாற்ப்பதைந்து பி பி எம் நஞ்சே நமக்கு எல்லா நோய் வர வைத்துவிடும் )-அந்த அளவுக்கு மண் மாசு பட்டுள்ளது ,விவசாய முறைகள் நவீனம் என்ற பெயரில் செய்யப்படும் கூத்துகளை எடுத்து உரைத்தார் ..இயற்கை விவசாயம் எவ்வளவு நல்லது என்றும் அழகாக எடுத்துரைத்தார் ..

பேய் விரட்டி(பேய் மிரட்டி ) மூலிகை இது ( நேற்று இதை பற்றி விஜய் டிவியில் நடந்து என்ன நிகழ்ச்சியில் சொன்னார்கள் )

மோரிண்டா சிற்றிபோலியா எனும் நோனி பழம் இது ( எல்லா மாணவர்களுக்கும் நோனி மரக்கன்றுகள் இலவசமாக வழங்கப்பட்டது )

பூனை மீசை என்ற கிட்னி பெயிலியர்க்கு உதவும் அற்புத மூலிகை

கொசுவை விரட்டும் -இயற்கை கொசு விரட்டி செய்ய உதவும் தண்ணீர்க் காய் எனபடுகிற இந்த மரம் (சிவப்பு பூ பூக்கிற மரம் )

சிவப்பு பூ போகிற செந்தும்பை (சிவப்பு தும்பை )

சித்த மருத்துவமும் ஆயுர்வேத மருத்துவமும் ஒன்றே ..என்னை வளர்த்தது சித்த மருத்துவமே ..

இந்தியர் என்பதில் பெருமிதம் கொள்வோம்
இந்திய மருத்துவத்தாலே நலம் பெறுவோம்

அல்சர் -வயிறு வலிக்கு -எளிமையான சிறந்த மருந்து -நாரிகேள லவணம் -Narikela lavanam

2012-01-07T08:00:00.000+05:30

அல்சர் -வயிறு வலிக்கு -எளிமையான சிறந்த மருந்து -நாரிகேள லவணம் -Narikela lavanam

(ref-பைஷஜ்ய ரத்னாவளி - சூலரோகாதிகாரம்)

தேவையான மருந்துகள்:

1. முற்றிய தேங்காய் – நாரிகேள பல (ஸதோய) ஒரு எண்ணிக்கை

2. இந்துப்பு – ஸைந்தவலவண போதுமானஅளவு

செய்முறை:

இந்துப்பை பொடித்துத் தேங்காயின் துளையிட்டகண்ணின் வழியே உள் நிரப்பி மூடிச் சீலை மண் பூசிப் போதுமான வரட்டிகள் கொண்டுபுடமிடவும். ஆறிய பின்னர் ஓடு நீக்கிப் பொடித்துச் சலித்து பத்திரப்படுத்தவும்.

அளவும்அனுபானமும்:

ஒரு கிராம் வரை மோர்,நீர் அல்லது திப்பிலிசூரணத்துடன்.

தீரும் நோய்கள்:

சூலை (சூல), வயிற்றுவலி (குக்ஷி சூல (அ) உதர சூல), வயிற்றுப்புண்கள் (அ) குடற் புண்கள்(பரிணாமசூல), வயிற்றில்புளிப்புநீர் (அமிலம்) அதிகரித்தல் (அம்லபித்த).

தெரிந்து கொள்ள வேண்டியவை

வயிறு வலி எந்த காரணத்தில் வந்தாலும் இந்த மருந்து நன்றாக வேலை செய்யும்
மிக மிக எளிதாக செய்யக்கூடிய மருந்து
வயிற்று புண்ணுக்கு -இந்து காந்த கிருதம் என்ற நெய் மருந்தோடு சாப்பிட நல்ல குணம் தெரியும்
அல்களை என்ற காரப்பொருள்-நமது வயிற்றில் சுரக்க கூடிய அதிகமான அமிலத்தை சமன் செய்யும் குணம் உள்ளது ..
பரிணாம சூலை எனப்படும் சாப்பிட்ட பின் ஏற்படும் வயிறு வலிக்கு இந்த மருந்தை விட நல்ல மருந்து இல்லை எனலாம் ..
ஜெளுசுளை சாப்பிட்டு -வயிறு பிரச்சனைக்கு தற்காலிக தீர்வை தேடும் அல்சர் நோயாளிகளுக்கு -காமதுக ரசம் என்ற அற்புத மருந்துடன் இந்த மருந்தை தக்க துணை மருந்தோடு சாப்பிட நல்ல பலன் கிடைக்கும்
புளிச்ச ஏப்பம் விடும் நோயாளிக்கு இந்த மருந்து நல்ல மருந்து

பெரு வயிறில் பெரும்பங்கு வகிக்கும் -பனை விரலாதி க்ஷாரம் Panavirladhi Ksharam

2012-01-06T07:00:00.000+05:30

பெரு வயிறில் பெரும்பங்கு வகிக்கும் -பனை விரலாதிக்ஷாரம் Panavirladhi Ksharam

(ref-ஸஹஸ்ரயோகம்)

தேவையானமருந்துகள்:

1. பனம்பூச்சாம்பல் – தாளபுஷ்ப க்ஷார 1 கிலோ கிராம்

2. நாயுருவிச்சாம்பல் – அபமார்க க்ஷார 1 “

3. நீர் முள்ளிச்சாம்பல் – கோகிலாக்ஷ க்ஷார 1 “

4. வாழைக்கிழங்குச் சாம்பல் – ரம்பா க்ஷார 1 “

செய்முறை:

இவற்றை நான்கு பங்கு தண்ணீரில் கரைத்துத்தெளியவைக்கவும். பின்னர் கலங்காது தெளிவை இறுத்துக் கொதிக்க வைத்துத் தண்ணீர்வற்றியபின் தங்கிய க்ஷாரத்தை ஆறியபின்னர் பொடித்துச் சலித்துக் காற்று புகாத கொள்கலன்களில் பத்திரப்படுத்தவும்.

அளவும்அனுபானமும்:

அரை முதல் ஒரு கிராம் வரைநெய்யுடன் இரு வேளைகள். குழந்தைகளுக்கு பாதியளவு கொடுக்கவும்.

தீரும் நோய்கள்:

பெருவயிறு (மஹோதரம்), வீக்கம் (ஸோப), சிறுநீர் தடைபடல் (மூத்ராசங்க), வியர்வையின்மை, நாளங்கள்தடைபடுதல், செரிமானக்கோளாறுகள் (அஜீர்ண).

தெரிந்து கொள்ள வேண்டியவை

வாசா குலூச்யாதி கஷாயம் ,திராக்ஷாதி கஷாயத்துடன் -இந்த மருந்தை தேவை கருதி -சரியாக உபயோகிக்க அசிட்டீஸ் என்னும் பெரு வயிறுக்கு நல்ல மருந்தாக அமையும் ..
பசியை தூண்டும்
மூத்திரத்தை பெருக்கும்

அடைப்பை நீக்கும் -கல்யாணக க்ஷாரம் -Kalayana Ksharam

2012-01-05T08:30:00.000+05:30

அடைப்பை நீக்கும் -கல்யாணக க்ஷாரம் -Kalayana Ksharam

(ref-அஷ்டாங்கஹ்ருதயம் - அர்சோரோகசிகித்ஸா)

தேவையானமருந்துகள்:

1. சுக்கு – சுந்தீ 50 கிராம்

2. மிளகு – மரீச்ச 50 “

3. திப்பிலி – பிப்பலீ 50 “

4. இந்துப்பு – ஸைந்தவலவண 50 “

5. கல்லுப்பு – ஸ்வர்ச்சலவண 50 “

6. கருப்பு உப்பு – பிடாலவண 50 “

7. கடுக்காய் (கொட்டை நீக்கியது) – ஹரீதகீ பலத்வக் 50 “

8. தான்றிக்காய் (கொட்டை நீக்கியது) – பிபீதகீ பலத்வக் 50 “

9. நெல்லிமுள்ளி – ஆமலகீ பலத்வக் 50 “

10. நாகதந்தி வேர் (நேர்வாள வேர்) – தந்தீ மூல 50 “

11. சுத்தி செய்த சேராங்கொட்டை – ஷோதித பல்லாதக 50 “

12. கொடிவேலிவேர் – சித்ரக 50 “

செய்முறை:

இவைகளைச் சிறு துண்டுகளாக்கிச் சிறிதுநசுக்கிப் போதுமான அளவு பசுவின் நெய், பசுவின் மூத்திரம் இவைகள் சேர்த்துப்பிசறி மண்பானையிலிட்டு அகலால் பானையின்வாயை மூடிச் சீலைமண் செய்து காய்ந்தபின் சரக்குகள் கருகும்வரை எரித்தெடுத்துப்பொடிசெய்து சலித்துக் காற்றுப்புகாத கலங்களில் பத்திரப்படுத்தவும்.

அளவும்அனுபானமும்:

அரை முதல் ஒரு கிராம் வரைநெய்யுடன் இரு வேளைகள் கொடுக்கவும்.

தீரும் நோய்கள்:

மலச்சிக்கல் (விபந்த), வயிற்று உப்புசம் (ஆத்மான), குன்மம் (குல்ம), மலமும் மூத்திரமும் பந்தப்படுவதாலேற்படும்நெஞ்சுவலியும் வாந்தியும் (உதாவர்த்த), மூலம் (அர்ஷ), பெருவயிறு(மஹோதரம்), பசியின்மை (அக்னிமாந்த்ய), செரியாமை(அஜீர்ண), நாளங்கள் அடைபடுதல் அல்லது தடைபடுதல். நச்சுகளை உடலிலிருந்து வெளியேற்றுகிறது.

தெரிந்து கொள்ள வேண்டியவை

க்ஷாரங்கள் -உப்புக்களில் இந்த கல்யாண க்ஷாரம் மிக எளிதாதாக கிடக்க கூடியது ,செய்ய எளிதானது ..
மூலத்தில் இந்த மருந்தை நத்தை பஸ்பத்துடன் சாப்பிட நல்ல பலன் கிடைக்கும்
ஆண்களுக்கு -விந்து குழாயில் ஏற்படும் அடைப்பை -வெரிகோசீல் அடிப்பினால் ஏற்படும் எசூசோசெப்ர்மியா -உயிர் அணுக்களே இல்லாத குறைக்கு -இந்த மருந்தை ஷட் பல கிருதம் போன்ற அடைப்பை நீக்க பயன்படும் மருந்தோடு கொடுத்து பார்த்ததில் -அடைப்பு நீங்கு உயிர் அணுக்கள் பெருகிய நோயாளிகள் பல உள்ளனர் ( பொதுவாக க்ஷாரத்தை ஆண்களுக்கு பயன் படுத்தும் போது-எச்சரிக்கை தேவை -உரிய ஆலோசனை இல்லாமல் -இந்த மருந்தை பயன்படுத்த வேண்டாம் )
பெண்களின் கருக்குழாய் அடைப்புக்கு -இந்த மருந்தை -மாத விலக்கு வரும் நாட்களில் -தக்க துணை மருந்தோடு (சித்த மருந்துகளில் உள்ள மலை வேம்பாதி தைலம் ..இன்னும் பல மருந்துகள் )கொடுத்து வர சீக்கிரம் பலன் தெரியும் ..
இதய இரத்த குழாய் அடைப்புக்கும் -வரானாதி கஷாயத்துடன் பயன்படுத்தலாம்