கழிச்சலை குணபடுத்தும் -லசுனாதிவடி Lasunadhi Vati

கழிச்சலை குணபடுத்தும் -லசுனாதிவடி   Lasunadhi Vati                                                           

  (ஆதாரம் -லோலம்பராஜீயம் - விக்ஷூசிகாசிகித்ஸா)

தேவையான மருந்துகளும் செய்முறையும்:

1.            தோல் நீக்கிக் கல்வத்திலிட்டு நன்கு

       அரைத்து விழுதாக்கிய பூண்டு / லசுன             10 கிராமுடன்

2.            சீரகம் – ஜீரக                                     10 கிராம்

3.            சுக்கு – சுந்தீ                                     10           “

4.            திப்பிலி – பிப்பலீ                                 10           “

5.            மிளகு – மரீச்ச                                   10           “

இவைகளை நன்கு பொடித்துச் சலித்த சூர்ணம்

6.            சுத்தி செய்த கந்தகம் (பொடித்தது) – ஷோதித கந்தக      10           “

7.            இந்துப்பு (பொடித்தது) – ஸைந்தவ லவண                10           “

8.            பால் பெருங்காயம் (பொரித்துப் பொடித்தது) – ஹிங்கு     10           “

இவற்றைச் சேர்த்து நன்கு கலந்த அரைத்துப் பின்னர் அவற்றை எலுமிச்சம்பழச்சாறு (ஜம்பீரஸ்வரஸ) கொண்டு ஏழு நாட்கள் அரைத்துப் பதத்தில் 200 மில்லி கிராம் எடையுள்ள மாத்திரைகளாக்கவும்.

குறிப்பு:    எலுமிச்சம்பழச்சாறுக்கு பதில் வேப்பம் பட்டைக் கஷாயம் உபயோகிப்பதும் உண்டு.

அளவும் அனுபானமும்:     ஒன்று முதல் இரண்டு மாத்திரைகள் வரை 2 முதல் 3 வேளைகளுக்கு வெந்நீர் அல்லது மோருடன் கொடுக்கவும்.

தீரும் நோய்கள்: 

பேதி (அதிஸார), பெருங்கழிச்சல் (க்ரஹணீ), வாந்திபேதி (விஷூஸிகா) எனும் காலரா, பசியின்மை (அக்னிமாந்த்ய), வயிற்றுப்புசம் (ஆனாக) மற்றும் பலவித ஜீரணக் கோளாறுகள், இந்நிலைகளில் இது அஜமோதார்க்க அல்லது கற்பூராத்யர்க்கத்துடன் தரப்படுகிறது.

தெரிந்து கொள்ள வேண்டியவை 

1. சீத பேதி முதல் -புட் பாய்சன் வரை -கிராணி கழிச்சல் முதல் -காலரா வரை -பேதிக்கு நல்ல பலன்  தரும் மருந்து இது 

Post Comment

பேதி உண்டாக்கும் மாத்திரை -இச்சாபேதி ரஸ (ICCHA BEDHI RAS)

பேதி உண்டாக்கும் மாத்திரை -இச்சாபேதி ரஸ  (ICCHA BEDHI RAS)                                                                                     

(ref-பஸவராஜீயம் - வாதரோகாதிகாரம்)

தேவையான மருந்துகளும் செய்முறையும்:

1.            சுத்தி செய்த ரஸம் – ஷோதித ரஸ           10 கிராம்

2.            சுத்தி செய்த கந்தகம் – ஷோதித கந்தக         20           “

இவைகளை நன்கு அறைத்துக் கறுத்த கஜ்ஜிளி செய்து கொண்டு அத்துடன் நன்கு பொடித்துச் சலித்த

1.            கடுக்காய் (கொட்டை நீக்கியது) – ஹரீதகீ பலத்வக்       60 கிராம்

2.            சுக்கு – சுந்தீ                                            50           “

3.            மிளகு – மரீச்ச                                         30           “

இவற்றின் சூர்ணம்

4.            நன்கு பொரித்துப் பொடித்த வெங்காரம் – டங்கண பஸ்ம  40           “

ஆகியவற்றை ஒன்று சேர்த்து எலுமிச்சம் பழச்சாறு (ஜம்பீரஸ்வரஸ) கொண்டு நன்கு அரைத்து மாத்திரை உருட்டத்தக்க பதத்தில் அத்துடன் தனியே நன்கு அரைத்து விழுதாக்கிய சுத்திசெய்த நேர்வாளப்பருப்பு (ஷோதித தந்தீபீஜ) 120 கிராம் சேர்த்து ஒன்றுபட அரைத்து 100 மில்லி கிராம் எடையுள்ள மாத்திரைகளாக உருட்டி உலர்த்தி பத்திரப்படுத்தவும்.

அளவும் அனுபானமும்:     

பெரியவர்களுக்கு ஒன்று முதல் இரண்டு மாத்திரைகள் வரை குளிர்ந்த நீருடன், காலை எழுந்தவுடன் ஒரு வேளைமட்டும் வெறும் வயிற்றில் கொடுக்கவும். குழந்தைகளுக்கு ஒன்று அல்லது ஒன்றுக்கும் குறைவான மாத்திரையைக் கொடுக்கவும்.

தீரும் நோய்கள்:

வயிற்றுப் பொருமல் (ஆனாக), வயிற்றுக் கோளாறுகள் (உதர ரோக), மலச்சிக்கல் (மலபந்த), நன்கு பேதியை உண்டாக்கி மேற்கூறிய நிலைகளில் நிவாரணமளிக்கிறது.

தெரிந்து கொள்ள வேண்டியவை 

1. சிறிய கடுகு அளவே உள்ள ஒரு மாத்திரையும் பெருங் கழிச்சலை உண்டு செய்து -தோஷங்களை வெளியேற்றும் 
2. சிலருக்கு இந்த மாத்திரை வாந்தியையும் உண்டு பண்ணும் 
3. கடுகளவே உள்ள இந்த மாத்திரையை  பத்தில் ஒரு பங்கு கொடுக்க நாள்பட்ட மலச்சிக்கலும் போகும் 

Post Comment

உணவு விஷமானதால் ஏற்படும் -காய்ச்சல் மற்றும் வாந்தி பேதிக்கு - ஸஞ்சீவினீ வடி -Sanjeevani vati

உணவு விஷமானதால் ஏற்படும் -காய்ச்சல் மற்றும் வாந்தி பேதிக்கு -
ஸஞ்சீவினீ வடி -Sanjeevani vati

(ஸாரங்கதரஸம்ஹிதா - மத்யமகண்ட)

தேவையான மருந்துகள்:

1.            வாயுவிடங்கம் – விடங்க                         10 கிராம்

2.            சுக்கு – சுந்தீ                                     10 கிராம்

3.            திப்பிலி – பிப்பலீ                                  10           “

4.            கடுக்காய் (கொட்டை நீக்கியது) – ஹரீதகீ பலத்வக்       10           “

5.            தான்றிக்காய் (கொட்டை நீக்கியது) – பிபீதகீ பலத்வக்     10           “

6.            நெல்லிமுள்ளி – ஆமலகீ பலத்வக்                 10           “

7.            வசம்பு – வச்சா                                  10           “

8.            சீந்தில் கொடி – குடூசீ                             10           “

9.            சேராங்கொட்டை (சுத்தி செய்தது) – ஷோதித பல்லாதக   10           “

10.          நாபி (சுத்தி செய்தது) – ஷோதித வத்ஸநாப              10           “

செய்முறை:     

 இவைகளைச் சேராங்கொட்டை, நாபி நீங்கலாகப் பொடித்துச் சலித்துக் கல்வத்திலிட்டு பசுவின் மூத்திரம் (கோமூத்திர) கொண்டு அரைக்கவும். சேராங்கொட்டை, நாபி இவைகளைத் தனியே சிறிது கோமூத்திரத்தில் ஊறவைத்து நன்கு அரைத்துச் சேர்த்து எல்லாவற்றையும் பசுவின் மூத்திரம் விட்டரைத்து 50 மில்லி கிராம் மாத்திரைகளாக உருட்டி நிழலில் உலர்த்தி பத்திரப்படுத்தவும்

.

தீரும் நோய்கள்:  

செரியாமை (அஜீர்ண), குன்மம் (குல்ம), வாந்திபேதி (விஷுஸிகா), காய்ச்சல் (ஜ்வர), பாம்புக்கடி (ஸர்ப்பதம்ஷ்ட்ட).

தெரிந்து கொள்ள வேண்டியவை

1. புட் பாய்சன் என்னும் உணவு நஞ்சாகி போதலால் ஏற்படும் காய்ச்சல் ,வாந்தி பேதி போன்றவற்றை சரி செய்யும்
   
2. நாள்பட்ட காய்ச்சலுக்கும் இந்த மருந்து நன்றாக வேலை செய்யும்
   
3. சேராங்கொட்டை இருப்பதால் இந்த மருந்து -கட்டிகளை குறைக்க -இன்பெக்டட் காயங்கள் இந்த மருந்தால் மாறும்
   
4. ஆண்டி பயாடிக் போல இந்த மருந்து பயன்படும்
   

Post Comment