சனி, மே 16, 2020

உடலின் மொழி அறிந்தால்...*


உடலின் மொழி அறிந்தால்...*



டாக்டர்.J. பிரியங்கா ., BAMS.,

டாக்டர்.அ. முகமது சலீம் ., BAMS.,MSC., MBA.

ஆயுர்வேத மருத்துவர்கள்




நோய் என்று வந்துவிட்டால் நம் மனம் தேடுவது உடனே நோயை சரிசெய்திடும் மருந்தை தான்..



அத்தகைய மருந்திற்கு அந்நோயை சரிசெய்ய என்னென்ன தகுதிகள் உள்ளது.. என்னென்ன பாதகங்களை அது ஏற்படுத்த வாய்ப்புள்ளது என்பதை நாம் ஆராய்ந்து பார்ப்பதுமில்லை, நமக்கு பொறுமையும் இல்லை...



உடல் நிலை அதன் நலனை எந்த அளவு நோயின் பிடியில் கொடுத்துள்ளது என்பதை எத்தனை பேரால் அறிந்துகொள்ள முடியும்... உடலில் நோயுற்றபோது அதன் மொழியில் சொல்வது நீர் வேண்டாம், உணவு வேண்டாம் கண்களை மூடி படுத்துக்கொள்ள என்பதுமட்டுமே..


ஆனால் உடலில் மொழி புரியாமல் நோயை சரிசெய்கிறோம் என்று மாத்திரைகளை விழுங்குவது, ஊசி போட்டுக்கொள்வது, ட்ரிப்ஸ் ஏற்றுவது, டானிக் எடுத்துக்கொள்வது போன்றவற்றை செய்து விடுகின்றோம்...



சற்றே சிந்தியுங்கள்... சோர்வுண்ட குழந்தையோ அல்லது துவண்டு இருக்கும் பறவையோ, வளர்க்கும் விலங்கோ குதூகலப்படுத்த என்ன செய்வோம்?... அதற்கு பிடித்தவற்றை பிடித்தவாறு அவர்களிடத்தில் செய்து உற்சாக படுத்துவோமா...? இல்லை உனக்கு பிடித்ததைதானே தருகிறேன் இந்தா பெற்றுக்கொள் என்று எரிந்துவிழுவோமா...?



முதலாவதை அனைவரும் ஆமோதிக்கிறீர்கள் என்று நம்புகிறேன்... காரணம்... அதிலிருந்துதான் முழுமையான, மகிழ்ச்சியான தீர்வு கிடைக்கும்...



அப்படியானால் உங்கள் உடலால் இயலாத நிலையில்... அதாவது செரிக்கும், உரிந்துகொள்ளும் சக்தி இல்லாத உடலை அதனை மேலும் வருத்தும் விதமாக மாத்திரைகளை எடுத்துக்கொள்வது சரிதானா?



மாத்திரைகளை செரித்து நலம்பெறு என்றும், ஊசிகளை போட்டுகொண்டு மீண்டேறு என்பதை மனம் நன்மைக்குத்தானே என்று ஏற்றுக்கொண்டாலும் உங்களின் உடல் இயல்பான நிலைக்கு திரும்பாது... அதனால் தான் காய்ச்சலோ, சளியோ, தலைவலியோ, வயிறுவலியோ நோய் தீர்ந்த அடுத்த இரண்டு முதல் ஐந்து நாட்களுக்கு சோர்வாக, அசௌகரியமாக உணர்வு ஏற்படுகிறது.. பக்கவிளைவுகளாக அல்சர் போன்றவைகளும் உண்டாகிறது...



இயல்பான நிலைக்கு திருப்ப தேவை உடல் இழந்த செரிமான சக்தி, உரிந்துகொள்ளும் சக்தியை தாமாக பெறுவதே... மருந்து மனதிற்கு எளிதாக இருப்பதை விட உடல் எளிதாய் செரித்துக்கொள்ள ஏதுவான வகையில் இருத்தல் வேண்டும்..



*மருந்துகளில் கசாயத்திற்கு மட்டுமே அந்த தகுதி உள்ளது...*



உலகில் உள்ள எந்த நோய்க்கும் கஷாயம் கொடுக்கலாம்...ஒரு பகுதி மூலிகையுடன் எட்டு பகுதி தண்ணீர் சேர்த்து கொதிக்கவிட்டு நான்கில் ஒரு பங்காக வற்றிய பின் வடிகட்டி கிடைப்பது கஷாயம்..



கஷாயத்தை தனி சிறப்பு என்னவென்றால் ஒரு பொருள் உமிழ்நீரில் கலந்து, உணவுக்குழாய் வழி இரைப்பையை அடைந்து, பித்தம் மற்றும் அமிலத்துடன் கலந்து செரிக்க எடுத்துக்கொள்ளும் ஒன்னரை மணி நேர செயலை கோப்பையில் இருக்கும் கஷாயம் தம்மிடையே ரெடியாக வைத்திருப்பது தான்...சிறிது நேரம் 100° C கொதிநிலையில் இந்த தகுதியை கஷாயம் பெற்றுவிடுகிறது.



பொதுவாக எந்த நோய்க்கு நாம் கஷாயம் எடுத்துக்கொண்டாலும் நோய் குணமாவதுடன் இலவச இணைப்பாக நாம் பெறுவது நோயெதிர்ப்பு ஆற்றல், போஷாக்கு, கழிவு வெளியேற்றம், பசி தூண்டுவிப்பு, செரிமானம் மேலும் கசாயத்தில் இருக்கும் antioxidant property வயதுமுதிர்வதை தடுப்பதாக பல ஆராய்ச்சிகளும் உள்ளது.



மேலும் நாமே வீட்டில் தயார் செய்துகொள்ளும் கசாயத்தில் contamination கிருமி ஒட்டிருக்கும் என்ற பயம் இருக்காது, மற்ற மருந்துகளில் சேர்க்கப்படும் preservatives பதப்படுத்தும் மருந்து சேர்க்கப்பட்டிருக்காது, காலாவதி பயம் இருக்காது, பக்க விளைவுகள் இருக்காது, கைதேர்ந்த மருத்துவரை போன்றொரு திருப்தி கிடைக்கும்.



கஷாயம் கசக்கும் என்ற மாயையை குழந்தைகள் மனதில் பதியவைக்காமல் கஷாயத்திற்கு கட்டுப்படாத நோயில்லை என்று கூறி வளர்த்தால் எதிர்காலத்தில் கொரோனா போன்று எந்த நோயும் அவர்களை அணுகமுடியாது..



சந்தேகங்களுக்கு அணுகவும்...


*AL SHIFA AYUSH HOSPITAL*
அல் ஷிபா ஆயுஷ் மருத்துவமனை
கடையநல்லூர் 9042225333
திருநெல்வேலி 9042225999
ராஜபாளையம் 9043336888
தேனி 9047277577
சென்னை 9043336000.

ஆயுர்வேதமும் அகிலம் அறிய பகிரலாமே

Post Comment

கொரோனாவுடன் வாழ பழகுங்கள்..


கொரோனாவுடன் வாழ பழகுங்கள்..


டாக்டர்.J. பிரியங்கா ., BAMS.,

டாக்டர்.அ. முகமது சலீம் ., BAMS.,MSC., MBA.

ஆயுர்வேத மருத்துவர்கள்



இறைவன் உலகை அனைத்து ஜீவராசிகளும் இயற்கையுடன் ஒன்றாக வாழவே படைத்துள்ளான்..


இது ஓரறிவுள்ள புற்கள், தாவரங்கள் முதல், எறும்புகள், பறவைகள், விலங்குகள், ஆறறிவுள்ள மனிதர்கள் வரை மட்டுமல்ல கண்களுக்கு புலப்படாத பாக்டீரியா, வைரஸ் போன்றவற்றிற்கும் பொருந்தும்.. இவை ஒவ்வொன்றும் அதன் வரையறைக்குள் வாழ வித்திட்டிருந்தாலும் உணவு சங்கிலியை பிளக்க இயலாது... அதாவது ஒன்றுக்கொன்று உணவாவதை தவிர்க்க முடியாது. ஆனால் ஒன்றை மற்றொன்று ஆக்கிரமித்து மிகையாகும் போது பாதுகாப்பு சுவரானது (கொரோனாவிடம் இருந்து தப்பிக்க ஆரோக்கியத்தின் தரம் ) பலப்படுத்தப்பட்டிருக்க வேண்டும்...


ஒரு நோய்க்கு மருந்து இல்லாமல் வாழ்வது நமக்கு புதிதல்ல... எய்ட்ஸ் வைரஸ்சிற்கு இன்னும் மருந்து கண்டுபிக்கவில்லை என்பது அனைவரும் அறிந்த உண்மை...


அதுமட்டுமல்லாமல் கொரோனாவை விட பல மடங்கு கொடிய வகை வைரஸ்களும் இனி உலகை தாக்கும் அபாயமும் எதிர்பாக்கப்படும் ஒன்றே...


உலக சுகாதார துறை இரவு பகலாக போராடியும் கொரோனா வைரஸை அழிக்கும் மருந்து கண்டுபிடிக்க முடியாமல் போகலாம் என்று கைவிரித்த நிலையில் நாம் நம்மை, நம் குடும்பத்தை, சமூகத்தை காப்பாற்ற பயத்தை விடுத்து துணிவு கொள்ளவேண்டும்.


கொரோனாவுடன் வாழ பழகிக்கொள்வது எப்படி...?*

கொரோனாவுடன் வாழ பழகவேண்டிய சூழ்நிலையில் நாம் முக்கியமான நான்கு விஷயங்களை அறிந்திருத்தல் அவசியம்.


முதல் இரண்டு தடுக்கும் முறைகளான

1.நோயெதிர்ப்பு சக்தி அதிகரிப்பு. 
2.கோரோனோ கிருமியிடமிருந்து விலகியிருப்பு.


அடுத்த இரண்டு கிருமி தாகத்திற்கு பிறகு செய்யவேண்டியது

1.பதறாமல் முதற்கட்ட அறிகுறியில் தனிமைப்படுத்திக்கொள்வதுடன் உடனடி மருத்துவரை அணுகுவது.

2.நோயிலிருந்து குணமடைந்தாலும் மருத்துவரின் ஆலோசனைப்படி மருந்தை தொடர்வது.

முதலாவது கட்டத்தில்  நோயெதிர்ப்பு சக்தி என்பது ஒரு கணப்பொழுதில் தோற்றுவிப்பது அல்ல.. சப்த தாதுக்களை (ரச, இரக்தம், மாம்சம், கொழுப்பு , எலும்பு, எலும்பு மஜ்ஜை, விந்து /கருமுட்டை) கடந்து ஓஜஸ் உருவாகிறது... நோயெதிர்ப்பு ஆற்றலானது ப்ரம்மமுகூர்த்தத்தில் கண் விழிப்பதிலிருந்து துவங்குகிறது.. உடற்பயிற்சி, பாரம்பரிய சரிவிகித உணவு, சோம்பல் விடுப்பு என பல வாழ்க்கை விதிமுறைகள் உள்ளது.. அதனுடன் ரசாயன, காயகல்ப மருந்துகளுடன் உணவை முடிக்கும் பழக்கத்திற்கு வருவோம்... ஏழாம் தாதுவான சுக்ரம் (விந்து /கருமுட்டை) முழுமையடைந்திருந்தால் நோயெதிர்ப்பு சக்தியுடனே குழந்தை பிறக்கும். எனவே இத்தருணத்தில் நாம் செய்பவையே எதிர்காத்தில் பிரதிபலிக்கும். கொரோனா வைரஸிடமிருந்து விலகி இருக்க சமூக இடைவெளியும், கரங்கள் மற்றும் தனிமனித சுகாதாரத்தையும் பின்பற்றுவோம்.
இதனை நாம் ஒவ்வொருவரும் முடிந்தவரை தவம்போல் செய்து முடிக்க வேண்டும்.



அடுத்த கட்டத்தில் ஆரம்ப அறிகுறியுடன் மனதில் சந்தேகம் எழுந்தால் உடனடியாக குடும்பத்தினரிடமிருந்தும், சமூகத்திலிருந்தும் விலகி சாதாரண நோய்போல் எடுத்துக்கொண்டு பரிசோதனை செய்துகொள்ளவேண்டும்.
தொற்று உறுதிசெய்யப்பட்டால் தன்னம்பிக்கையுடன் மருந்துகளை உண்டு, குணமடைந்த பின்னரும் மருத்துவர் அறிவுரைப்படி மருந்துகளை பின்பற்றல் வேண்டும்...


வாழ்க்கைமுறை மாற்றம் ஒன்றே தீர்வு... தீர்வை நோக்கி பயணிக்க வாழ்க்கைமுறையை இன்றே மாற்றி அமைக்க முயன்றிடுவோம்..
ஒழுக்கம் நிறைந்த வாழ்வில் மகிழ்ச்சி காண்போம்..


பொருளாதார ரீதியான பயம் உள்ளவர்களுக்கும் நோயெதிர்ப்பு ஆற்றல் தரும் மருந்தை தர அல்ஷபா ஆயுஷ் மருத்துவமனை முன்வந்துள்ளது என்பதை மகிழ்ச்சியுடன் தெரிவித்துக்கொள்கிறோம்.



*AL SHIFA AYUSH HOSPITAL*

அல் ஷிபா ஆயுஷ் மருத்துவமனை
கடையநல்லூர் 9042225333
திருநெல்வேலி 9042225999
ராஜபாளையம் 9043336888
தேனி 9047277577
சென்னை 9043336000.

ஆயுர்வேதம் அகிலம் அறிய பகிரலாமே

Post Comment

இதை புரிந்துகொண்டால் உங்களுக்கும் உங்கள் குடும்பத்திற்கும நீங்களே மருத்துவராகலாம் ..*


இதை புரிந்துகொண்டால் உங்களுக்கும் உங்கள் குடும்பத்திற்கும நீங்களே மருத்துவராகலாம் ..*



டாக்டர்.J. பிரியங்கா ., BAMS.,

டாக்டர்.அ. முகமது சலீம் ., BAMS.,MSC., MBA.

ஆயுர்வேத மருத்துவர்கள்




மூலிகை ஞானம், உடற்கூறு ஞானம், பரிசோதனை அறிவு இது எதுவுமே தேவை இல்லை... இந்த மூன்று உணவுகளை முறையாக பயன்படுத்த தெரிந்தால் போதும்... உங்களின் குடும்ப ஆரோக்கியத்திற்கு மருத்துவர் நீங்கள் தான்..


உலகில் உள்ள அனைத்து மருந்துகளின் முன்னோடிகள் தான் இந்த மூன்று உணவுகளும்... அவை எண்ணெய், நெய் மற்றும் தேன்....



நமது உடலில் முடி முதல் நகம் வரை ஒவ்வொன்றையும் ஆக்கிரமித்திருப்பது மூன்று தோஷங்கள் எனப்படும் வாதம், பித்தம், கபம் என்பவையே...வாதம், பித்தம், கபம் இவை மூன்றும் தன் நிலையிலிருந்து மாறுபடும் போது... அதாவது ஒவ்வொன்றும் தனக்குரிய இடத்திலிருந்து, தனக்குரிய அளவிலிருந்து மாறுபடும் போது அதற்கு தக்கவாறான உடல் உபாதைகள் தோன்றுகின்றன... இந்நிலையை கையாள, மாற்றமடைந்து வாதம், பித்தம், கப தோஷங்களை சீராக்க மூன்று உணவுகள் போதுமானது...





1.எண்ணெய்...*

பெரும்பாலான தைலங்கள் (எண்ணெய்) கொட்டைகளில் இருந்து பிரித்தெடுத்து தயாரிக்கப்படுகிறது...
எண்ணெய் வகைளில் உன்னத பலன் கொடுப்பது திலத்தைலம் (நல்லெண்ணெய் / எள் எண்ணெய்).

தைலம் தனக்கென பல நல்ல குணங்களை கொண்டுள்ளது..


1.வாதத்தை குறைப்பதற்கு தைலத்திற்கு நிகரான ஒன்று வேறில்லை.


2.உடல் பலத்தை... அதாவது தசை, நரம்புகள், முடி, சவ்வுகள், எலும்புகள், மூட்டுப்பகுதிகள் என அனைத்திற்கான பலத்தை கூட்ட வல்லது.


3.சரும பொலிவிற்கு moisture எனப்படும் இளமை, மென்மையை தைலத்தால் மட்டுமே சிறப்பாக தர முடியும்.


4.உடலில் அனுஷ்னமாக (அதிக உஷ்ணம், அதிக குளிர்ச்சி இரண்டும் இல்லாத நடுநிலை) செயல்படுகிறது.


5.நல்லெண்ணெயை உடல் பருமன், அடிக்கடி அஜீரணம் உள்ளவர்களும் உணவில் சேர்த்துக்கொள்வதினால் ஆரோக்கியமே தவிர உபாதைகளை உண்டாக்காது.


6.குடல்புழு, மலசிக்கல் உள்ளவர்களுக்கு விளக்கெண்ணெய் சிறந்தது.



எப்போது_பயன்படுத்தலாம்...*


உடல் மெலிவு, சோர்வு, குளிர், நடுக்கம், பதற்றம், மனஅழுத்தம், வலிகள், தலைசுற்றல், புலன்கள் தொய்வு, தூக்கமின்மை, சரும வறட்சி, மலசிக்கல், வயிற்று பொருமல் வாதம் கட்டுப்பாட்டில் இல்லை என்பதற்கான அறிகுறிகள்... இரண்டு ஸ்பூன் நல்லெண்ணெய் வெறும் வயிற்றில் குடிப்பது, எண்ணெய் தேய்த்து குளிப்பது நற்பலனை தரும்.





2.நெய்...*

நெய் தயாரிக்கபடுவது பசுவின் பாலிலிருந்து. வெள்ளாடு, எருமை, செம்மறி ஆடுகளின் பாலிலிருந்தும் நெய் கிடைக்கப்பெற்றாலும் பசுவின் நெய் அமிர்தத்திற்கு நிகரான தனி தன்மையை பெற்றுள்ளது.


ஆயுர்வேதம் சினேக (moisture) வகைகளுள் பசுநெய்க்கு முதலிடத்தை தந்துள்ளது. பசுநெய் வாதம், பித்தம் என இரண்டு தோஷங்களை சமநிலைப்படுத்த பணிபுரிந்தாலும் பித்தத்தை குறைப்பதில் சிறப்பான முறையில் செயலறுகிறது.



பசுநெய்யின் நற்குணங்கள்...


1.உடல் ஆற்றலை கூட்டுகிறதுக்கு... உழைப்பின் அசதி உடலை தாக்காமல் பாதுகாக்கிறது.

2.புத்தி கூர்மை, ஞாபக திறனை அதிகரிக்க செய்கிறது.
3.ஆயுள்காலத்தை நீடிக்கிறது.
4.கண் பார்வை திறனை குன்றாமல் பாதுகாத்து வளர்கிறது.
5.பெண்மை, ஆண்மை தன்மையை வளர்த்து நல்ல ஆரோக்கியமான சந்ததியினரை பெற உதவுகிறது.
6.செரிமான சக்தியை, பசியை தூண்டுகிறது.



எப்போது பயன்படுத்தலாம்...*


சிறுநீர், மலம் கழிப்பதில் எரிச்சல் மற்றும் இரத்தப்போக்கு, கண் மற்றும் சருமத்தில் உஷ்ண உணர்வு, அதிக தாகம், பசி, வயிற்று புண், நெஞ்செரிச்சல், அதிக வியர்வை, இளநரை, மயக்கம் இவையனைத்தும் பித்தம் சம்மந்த கோளாறுகளின் அறிகுறிகள். இரண்டு ஸ்பூன் பசுநெய் உணவில் தினமும் சேர்த்துக்கொண்டால் எளிதில் குணமடையலாம்.




3.தேன்...*
இயற்கையான தேன் தரும் நன்மைகள் எண்ணில் அடங்காதவை.
உடலில் உள்ள தேவையற்ற அத்தனையையும் துண்டித்து வெளியேற்றும் திறன் தேனிற்கு மட்டுமே உள்ளது. தேவையற்ற நச்சு, வேண்டாத சதை, அதிகப்படியான கொழுப்பு என அனைத்தையும் அறுப்பது தேன்.

தேன் தரும் நன்மைகளுள் சில.

1.குமட்டல், வாந்தி, பேதி போன்றவற்றை உடனடியாக நிறுத்தும்.
2.இருமல், காய்ச்சல் போன்றவற்றிற்கு சிறந்த மருந்து.
3.சிறுநீர் கோளாறுகள் அனைத்தையும் சரிசெய்ய வல்லது.
4.தீராத தாகம், கிருமி தொற்றிற்கு சிறந்த தீர்வு தருகிறது.
5.சர்க்கரை வியாதி உள்ள நோயாளிகள் பயன்படுத்த ஏற்றது.
6.இரத்த சோகை முதலான இரத்த அணுக்கள் குறைப்பாட்டிற்கு முழுமையான தீர்வு தருகிறது.
7.நல்ல குரல் வளத்தை தருகிறது.


எப்போது பயன்படுத்தலாம்...*


பசியின்மை, சுவையின்மை, உடல் பாரம், உடல் பருமன், சோம்பல், குமட்டல், வாந்தி, பேதி, அதிக தூக்கம், சோர்வு, ஆறாத புண்கள், கிருமி தாக்கம் போன்றநிலைகளில் பயன்படுத்துவதால் கபம் சீராகி நிவாரணம் தரும். இரண்டு ஸ்பூன் தேன் தினமும் சாப்பிடுவதால் சிறந்த பலனை பெறலாம்.

சிறிய அறிகுறிகள் முதல் எவ்வளவு பெரிய நாள்பட்ட நோயாக இருப்பினும் மூன்று தோஷங்களை நன்குணர்ந்து நோய்க்கான தீர்வை நோக்கி பயணிக்கும் வகையில் எந்த பாதகமும், பக்கவிளைவும் இல்லாத தைலம், நெய் மற்றும் தேன் பயன்படுத்தினால் தோல்வியே கிடையாது...



சந்தேகங்களுக்கு அணுகவும்...

*AL SHIFA AYUSH HOSPITAL*

அல் ஷிபா ஆயுஷ் மருத்துவமனை
கடையநல்லூர் 9042225333
திருநெல்வேலி 9042225999
ராஜபாளையம் 9043336888
தேனி 9047277577
சென்னை 9043336000

ஆயுர்வேதம் அகிலம் அறிய பகிரலாமே

Post Comment