வெள்ளி, ஜூன் 23, 2017

யோகாவும் இஸ்லாமும்

யோகாவும் இஸ்லாமும்

டாக்டர்.அ.முகமது சலீம் (cure sure) .,BAMS.,M.Sc.,M.Sc(Yoga).,MBA



யோகா சமயங்களுக்கு அப்பாற்பட்டது உண்மைதான் .ஆயுர்வேதத்தின் ஒரு கூறாக இருக்கும் யோகா என்கிற கலை நோயில் இருந்து மட்டும் விடுபட வைக்காமல் உடல் மனம் ஆத்மா போன்றவற்றை ஆரோக்யமாக வைக்க உதவுகிறது என்பதில் எள் அளவுக்கும் சந்தேகம் இல்லை . யோகாவும் ஆயுர்வேதம் போலவே  வாழ்க்கை அறிவியல் .


ஒரு ஆயுர்வேத மருத்துவனாய் , யோகாவில் முதுநிலை பட்டதாரியாக ,ஒரு இஸ்லாமியனாக மூன்று நிலைகளில் இருந்தும் எனது கண்ணோட்டம் சில தெளிவுகளை தெரிவிக்க விரும்புகிறேன் .



யோகாவை பற்றி ஏற்கனவே ஆயுர்வேதத்தில் யோகா என்கிற கட்டுரை  படித்தால் யோகா பற்றிய ஆயுர்வேத ,யோகாவின் அடிப்படை பற்றி ஓரளவுக்கு புரிந்து கொள்ள முடியும். அந்த கட்டுரை படிக்க இங்கே கிளிக் செய்யவும் .



யோகா –இஸ்லாம் ஒரு கண்ணோட்டம்

அஷ்டாங்க யோகா – வாழ்க்கை இப்படி தான் வாழ வேண்டும் ,இறை நிலை என்கிற சமாதியை –முக்தியை இப்படிதான் அணுக வேண்டும் என்கிற அணுகு முறையில் யோகா சமயங்களுக்கு அப்பாற்பட்டு ஒரு நிலையை நாம் உணர முடியும் .


வள்ளலார் ,பதஞ்சலி ,திருமூலர் ,இன்னும் பல யோக குருமார்களின் யோக சூத்திரங்கள் நமக்கு இறை நிலையை அடைய வழியாகத்தான் யோக நிலை பயன்பட்டிருப்பதை ஒரு நேர் கோட்டில் உணர முடிகிறது



பல்வேறு யோகா ஸ்கூல் தனி தனி வழியை  தேர்ந்தெடுத்து தனது தனி வழியில் பயணிக்கிறார்கள் ..உதாரணத்திற்கு இன்றைய கார்பரேட் யோகா குருக்கள் Art of living ,Ramdev –pathanjali yoga , Isha yoga ,போன்றவர்களும் மேலும் வள்ளாலார் யோகா ,ஹட யோகம் ,பிரம்ம குமாரி யோகா, மகரிஷி யோகா ,வேதாத்ரி யோகா  என்று இன்னும் பல பல யோக பிரிந்து கிடக்கிறது ..ஆனால் இவை யாவும் ஹிந்து சமய கொள்கைகளை அடிப்படையாக கொண்டே இருக்கிறது என்பது யாரும் மறுக்கவே முடியாத உண்மை .



இஸ்லாமிய கொள்கை –ஓர் இறை கொள்கை என்ற அடிப்படையில் அமைந்தது. ஏக இறைவனை தவிர எந்த படைப்பையும் வணங்க கூடாது என்பதை இஸ்லாம் வலியுறுத்தி சொல்கிறது . இணை வைக்கும் எந்த ஒரு செயலையும் எந்த ஒரு நிலையிலும் ஒரு உண்மையான இஸ்லாமியன் செய்யவே மாட்டான் .



யோகாவில் இஸ்லாமியன் தவிர்க்க வேண்டிவைகள் 







  1. சூர்ய நமஸ்காரம் என்கிற –சூரியனை நோக்கி வழி படுகிற 12 நிலைகள் கொண்ட ஆசனங்கள் – இதற்க்கு சூர்யாசனம் என்று பெயர் மாற்றி வைத்து சூரியனை வணங்க கூடிய ஸ்லோக்கங்களை சொல்லாமல் தவிர்த்து ஒரு ஆசன பயிற்சியாக மட்டுமே வேண்டுமானால் செய்யலாம்
  2. நமஸ்கார முத்திரை –கை கூப்பி தொழுதல் ,வணங்குதல் –போன்றவை முற்றிலுமாக தவிர்க்க படல் வேண்டும் 
  3. குரு பூஜை என்று –யோக குருமார்களின் படத்தை வைத்து வழிபடும் எந்த ஒரு யோகா வகுப்பிலும் இஸ்லாமியன் பங்கேற்க கூடாது
  4.   ஓம் என்கிற ஓங்காரம் இந்து சமய மந்திரமாகவே பார்க்கபடுவதால் –ஓம் என்கிற வார்த்தை இணை வைப்பை நோக்கி பயணிப்பதால் தவிர்த்தல் நல்லது . அ உ  ம் என்று சொல்வதும் கூட தவிர்த்தல் நல்லது
  5. விக்ரஹங்கள் ,சிலை வழிபாடு உள்ள எந்த ஒரு யோக வகுப்பையும் புறக்கணிப்பது நல்லது



யோகா இஸ்லாமியன் எந்த சூழ்நிலையில் கலந்து கொள்ளலாம்
  1. யோகாசன பயிற்சி –உடல் ஆரோக்கியம் மேம்பட –இணை வைப்பு பெயர் இல்லாத ஆசனங்கள் கற்று செய்யலாம்
  2.   பிராணாயம பயிற்சி –ஓங்கார உச்சரிப்பு இல்லாமல் மூச்சு பயிற்சிகளாக செய்யலாம் .
  3.   த்யான பயிற்சி –எந்த வகையிலும் ஒரு சிறிதும் இணை வைப்பு கொள்கை இல்லாதிருந்தால் செய்யலாம்
  4.    எல்லை கோட்டை உங்களால் உணர முடிந்தால் –ஏக இறைவனுக்கு இணை வைக்காமல் எந்த யோகா வகுப்பிலும் தாரளாமாக ஒரு நோய் நிவாரணமாக செய்யலாம்




இஸ்லாமிய தொழுகையும் –யோகா ஆசனங்களும்

தொழுகையே பல யோகாசனங்களை உள்ளடக்கியுள்ளது என்பதை எளிதாக உணர முடியும் . ஒவ்வொரு இஸ்லாமியனும் தினம் ஐவேளை ஏக இறைவனை தொழுகிறான் .

எனது யோகா ஆராய்ச்சி முது கலை பட்டய படிப்பில் யோகா மற்றும் இஸ்லாம் பற்றியே இருந்தது –அந்த முழு ப்ராஜெக்ட் படிக்க இங்கே கிளிக் செய்யவும் 



எல்லாரும் சொல்கிறார்கள் யோகாசனம்  மிக சிறந்தது? .

யோகாவை உலகமே கொண்டாடுகிறது !!!அப்படி என்ன இருக்கிறது இஸ்லாத்தில் இல்லாத ஒன்று .?

இங்கே இணைக்கப்பட்டுள்ள  படத்தை பாருங்கள் ..என்ன தெரிகிறது ?.

நமது தொழுகை நிலையில் உள்ளதை தான் அவர்கள் சம்ஸ்க்ருதத்தில் பெயர் வைத்திருக்கிறார்கள் .

தலாசனம் ,வஜ்ராசனம் ,அர்த உத்தானசனம் ,அர்த பாத ஹஸ்தாசனம் ,பலாசனம் ,ஷஷாங்காசனம், யோக முத்திரை ,பல முத்திரைகள் ,வக்ராசனம் இன்னும் பல ஆசனங்களை இஸ்லாமிய தொழுகை உள்ளடக்கியுள்ளது



  • ·         இறை அச்சத்துடன் தொழும் தொழுகை -இம்மையிலும் ,மறுமையிலும் நல்ல கூலியை ஏக இறைவனிடம்  பெற்று தரும்
  • ·         மன ஓர்மையுடன் தொழும் தொழுகை -மன நிம்மதியை தரும்
  • ·         தொழுகை நிலைகள் -யோகாவில் உள்ள ஆசனங்களை விட பல மடங்கு சிறந்து .
  • ·         நபிகள் நாயகம் சொன்ன படி நாம் தொழும் தொழுகை -பல்லாயிரம் ஆசனங்களை விட சிறந்து .






இஸ்லாமும் –அஷ்டாங்க யோகாவும்



இங்கே இணைக்கப்பட்டுள்ள படம் –இஸ்லாம் மற்றும் யோகா வுக்கு உள்ள ஒற்றுமையை எடுத்து காட்டுகிறது

இஸ்லாம் சொல்லாத புதிதாக ஒன்றை கூட அஷ்டாங்க யோகாவில் நாம் பார்க்க முடியாது




மாற்று மத சகோதர்களுக்கு –ஓர் ஒப்பீடு ஆய்வு தான் தவிர –இது யார் மனதையும் புண் பட எழுதவில்லை என்று சொல்ல விரும்புகிறேன்

அஸ்தஹ்பிருல்லா –ஏக இறைவனிடம் நான் பாவ மன்னிப்பும் ,பிழை பொறுக்க வேண்டுகிறேன் .


இஸ்லாம் என்ற சொல்லுக்கு அமைதி என்று பொருள் . மனித நேயம் காப்பது இஸ்லாமியனின் கடமை .நோய் அழிக்க ,நோய் குணமாக எது நமக்கு பயன்படுமோ அதையே நாம் பயன்படுத்துவோம்
யோகா மற்றும் ஆயுஷ் மருத்துவ ஆலோசனைக்கு
அல் ஷிபா ஆயுஷ் மருத்துவமனை
கடையநல்லூர் 90 4222 5333
திருநெல்வேலி 90 4222 5999
ராஜபாளையம் 90 4333 6888
சென்னை 90 4333 6000 ( ஹெர்ப்ஸ் & ஹீல்ஸ் மருத்துவமனை-கீழ்கட்டளை )






Post Comment

வியாழன், ஜூன் 22, 2017

யோகாவும் ஹோமியோபதி மருத்துவமும்

யோகாவும் ஹோமியோபதி மருத்துவமும்

டாக்டர்.அ.முகமது சலீம் ( cure sure ) .,BAMS.,M.Sc.,MBA
டாக்டர் .வர்தினி .,BHMS.,



அடிப்படை தத்துவங்கள் ஒன்றே

ஹோமியோபதி மற்றும் யோகாவில் பல அடிப்படை கோட்பாடுகள் ஒன்று சேர அமைந்திருக்கின்றன. இரண்டுமே அதிக அளவிலான சுகாதாரம், நல்லிணக்கம் மற்றும் நல்வாழ்வு வளர்ப்பதற்கு பயனுள்ள பல நுட்பங்கள் உள்ளன.






உயிர் ஆற்றலை வலுபடுத்துகிறது –யோகாவும் ஹோமியோவும்


ஆற்றல் மற்றும் சக்தியை பயன்படுத்துவதன் மூலம் ஆற்றல் ஓட்டத்தை அதிகரிக்கவும் தடுக்கவும். இவை இரண்டுமே செய்கின்றது. ஹோமியோபதி சிகிச்சையில் இந்த சக்தியை உயிர் ஆற்றல் எனவும், யோகாவில் பிராண (Prana) என்று அழைக்கிறோம் ஆனால் அடிப்படையில் அதன் தத்துவங்கள் ஒன்றே.! பெயர்கள் மட்டும் வேறு.




பிராணன் என்பது ஹோமியோவின் LIFE –VITAL FORCE ஒன்று தான்



யோகாவில் Asana, Pranyama, Bandas ஆகியவை மூலம் உடல் ஆற்றல் சமன் செய்யவும், அதிகப்படுத்தவும் குறைக்கவும் முடியும். அதேபோல் ஹோமியோபதியில் மனிதனின் இயல்பு மற்றும் உடலின் தன்மை மூலம் உயிர் ஆற்றலை அதிகப்படுத்தவும் குறைக்கவும் முடியும். இது அந்த நபரின் இயல்பு, மற்றும் பழக்க வழக்கங்கள் மூலம் மருந்துகளை தேர்வு செய்கிறோம்.



ஆக நமது உயிர் ஆற்றல் குறைந்தால், நம்மை நோய் பற்றிக்கொள்கிறது. அது அவனை உடல் ரீதியாகவும், உணர்ச்சி ரீதியாகவும், மனநிலை ரீதியாகவும் பாதிக்கும். அதனை சமநிலை செய்ய யோகாவும் ஹோமியோபதியும் முதன்மை நிலையில் இருக்கிறது. மேலும் நோய் தடுப்பு சக்தியாகவும் மாறுகின்றது.




மனம் உடல் ஆத்மா ஒருங்கிணைத்தலில் –யோகாவும் ஹோமியோவும் ஒன்று

ஹோமியோபதி மற்றும் யோகாவினால் உடல், மனம் மற்றும் ஆத்மா ஆகியவை ஒன்று சேர அல்லது ஒருங்கிணைப்பு அடைய நடைமுறையில் வழிகள் உள்ளன. இதன் இரண்டுமே ஒன்று சேர எடுப்பதனால் உங்கள் நோயை மட்டும் குணப்படுத்தாமல் நோயில்லா வாழ்க்கையை வாழவும் வழிவகுக்கும்.



யோகாவும் –ஹோமியோவும் -பலன் விரைவானது –எளிமையானது -

ஹோமியோபதியில் மருந்தின் அளவு :-
ஹோமியோபதியில் மிக குறைவான அளவு மருந்துகளை பயன்படுத்துகின்றனர். இது நாக்கில் வைத்தவுடன் வளர்சிதை மாற்றமடையாமல்  நரம்புகள் வழியே மற்ற உறுப்புகளுக்கு சென்று நோயை தடுக்கிறது. இதனால் இதனுள் எந்த மருத்துவம் எடுத்தாலும் அது தடை செய்வதில்லை. அனைத்து  மருத்துவத்தில் கூடவும் ஹோமியோபதியில் பயன் பெறலாம்.



அதேபோல், யோகாவில் மற்ற மருத்துவத்துடன் தொடர்ந்து எடுத்துக்கொள்ளலாம். இந்த வழிமுறைகளால் உடலுக்கு சமாதானத்தை ஏற்படுத்துகிறது. மேலும், யோகாவும், ஹோமியோபதியும் ஒன்றுடன் ஒன்று இணையும் போது அதன் ஆற்றல் பல மடங்கு பெருகுகின்றது.




யோகாவும் –ஹோமியோவும் பக்க விளைவுகள் இல்லாத மருத்துவங்கள்

ஹோமியோபதியில் எந்த பக்கவிளைவுகளும் கிடையாது. ஆனால் மற்ற மருத்துவத்தை எடுப்பதன் மூலம் மருந்து உட்கொள்ளும் போது எந்த வித பிரச்சனைகளும் இல்லை, ஆனால் மருந்தை நிறுத்தி விட்டால் அனைத்து பிரச்சனைகளும் திரும்ப வந்துவிடும். ஆனால், ஹோமியோபதியில் முதலில் மனது அமைதியாகிவிடும் பின்னர் உடல் நிலையும் குணமாகி நோய் தடுப்பாகவும் மாறுகிறது.



அளப்பரிய நோய் குணமாக்கும் ஆற்றல்

இங்கே குணமடைவது என்பது மேலே இருந்து கீழே, வெளிப்புறத்தில் இருந்து உட்புறம், மிக முக்கிய உறுப்பு முதல் குறைந்த முக்கிய உறுப்பு, அறிகுறிகளின் தலைகீழ் வரிசையில் குணமாகிவிடும்.

யோகாவில் இதுவே நடக்கிறது.

யோகாவும் நமது அறிவாற்றலை அதிகப்படுத்தவும் தொற்று நோய்களுக்கு எதிராக போராடுவது, வெவ்வேறு சூழ்நிலைக்கு ஏற்ப நம் உடலை தயார்படுத்துவது, மனதினை அமைதியடைய செய்வதிலும் மற்றும் சமநிலை படுத்தவும் யோகா உதவுகிறது.



யோகாவும் –ஹோமியோவும் இணைந்தால் பலன் மிக மிக அதிகம்

இதன் மூலம் யோகாவும், ஹோமியோபதியும் ஒரே வேலையை வெவ்வேறு பெயர் கொண்டு செய்கிறது என்று தெரிய வருகிறது.
யோகாவும் சுய சிகிச்சைக்குள் உள்ளடக்கியது யோகாவின் அனைத்து வழிகளும் வாழ்க்கையில் வரும் வலிகளின் விளைவுகளை தணிக்கும் திறனை குணப்படுத்துகின்றன.



யோகா –ஹோமியோ மருத்துவங்கள் –புரிதல்

யோகா எல்லா மனிதருக்கும் பொதுவானது .

ஹோமியோ மருத்துவமும் எல்லா மனிதருக்கும் அவசியமானது ..

யோகா ஆயுர்வேத சித்த மருத்துவத்தின் கூறாக முழுமையாக அறியபட்டாலும் –யோகா வாழ்க்கை தத்துவங்கள் எந்த மருத்துவத்தோடும் பொருந்தி கொள்ள கூடிய அற்புத ஆற்றலை உடையது ..


ஆங்கில மருந்தோடு கை கோர்க்கும் யோகா –ஹோமியோவோடு இணைவதில் என்ன தவறு

மற்ற பாரம்பரிய ,இந்திய மருத்துவ முறைகளை ஏற்க மறுக்கும் பல ஆங்கில மருத்துவர்களும் யோகாவை தங்களோடு இணைத்து கொள்ள ஆசைப்படுகிறார்கள் .ஆங்கில மருத்துவம் தன்னால் இந்த நோயை குணப்படுத்த இயலாத எல்லை கோட்டை தாண்டிய பல நோய்களுக்கும் யோகாவை தன்னோடு சேர்ந்து பயணிக்க சொல்கிறது .யோகாவின்  எந்த ஒரு கோட்பாடுகளோடு ஒரு சிறிதும் பொருந்தாத ஆங்கில மருத்துவம் யோகாவை தன் வயப்படுத்த முயல்வதில் பெரிய மகிழ்ச்சி புதைந்துள்ளது என்றால் –ஹோமியோவின் எல்லா கோட்பாடுகளோடும் பொருந்த கூடிய யோகாவை –ஹோமியோ யோகாவை வரவேற்பதில் எந்த ஒரு நெருடலும் யாருக்கும் இருக்கவே முடியாது .


ஹோமியோகா என்ற முறை

இந்தியர் என்பதில் பெருமிதம் கொள்வோம் ..
பாரம்பரிய மருத்துவத்தால் நலம் பெறுவோம் ..
ஆயுஷ் என்பது ஒருங்கிணைந்த மருத்துவமே –நோய் இல்லாமல் வாழ வைக்கும் வாழ்க்கை அறிவியல்.
மருத்துவத்தின் பலன் முழுமையாக கிடைக்க யோகாவோடு இணைவோம் ..ஏனென்றால் யோகா என்றாலே ஒன்று இணைதல் ,
தன் வயமாதல் என்றே பொருள் .

ஆயுஷ் மருத்துவ ஆலோசனைக்கு
அல் ஷிபா ஆயுஷ் மருத்துவமனை
கடையநல்லூர் 90 4222 5333
திருநெல்வேலி 90 4222 5999
ராஜபாளையம் 90 4333 6888
சென்னை 90 4333 6000 ( ஹெர்ப்ஸ் & ஹீல்ஸ் மருத்துவமனை-கீழ்கட்டளை )


Post Comment

புதன், ஜூன் 21, 2017

ஆயுர்வேதத்தில் யோக கலை

ஆயுர்வேதத்தில் யோக கலை

டாக்டர். அ.முகமது சலீம் ( cure sure ) .,BAMS.,M.Sc.,MBA
டாக்டர். ஜீவா ., BAMS

   
                                       
ஜூன் 21 - உலக யோகா தினம் 



குழந்தைகள் முதல் முதியவர்கள் வரை இன்று யோகா கற்க செல்பவர்களின் எண்ணிக்கை மிகவும் அதிகம். யோகா பயிற்சி செய்தால் ஆரோக்கியமாக வாழலாம், மன அமைதி கிடைக்கும் என அறிந்த மக்களுக்கு யோக கலையானது ஆயுர்வேத மருத்துவத்தின் ஒரு பிரிவாகும் என்பது தெரியாதது தான் விந்தை.



யோகா என்றால் என்னவென்று தெரியாமலேயே பல பேர் யோகா என்ற பெயரில் உடற்பயிற்சி செய்து கொண்டிருக்கிறார்கள்.



உண்மையில் யோகா என்றால் என்ன.? அதன் குறிக்கோள் என்ன.? என்ற கேள்விகளுக்கு மட்டுமல்லாமல் யோக கலையை பற்றி அறியாத பல உண்மைகளை பற்றி பார்க்க போகிறோம்.



யோகா என்றால் என்ன.?


சமஸ்கிருதத்தில் யோகா என்றால் ஒன்றிணைப்பது என்று அர்த்தம். உடலையும், மனதையம் ஒன்று சேர்க்க பயன்படும் கருவிதான் யோகா.



ஆயுர்வேத பிரிவில் யோகா :-

ஆயுர்வேதத்தில் ஸ்வஸ்த விருத்த என்ற பிரிவில் யோகா பற்றிய பல குறிப்பேடுகள் காணப்படுகின்றன. நோயற்ற ஆரோக்கிய வாழ்வினை பேணிக்காப்பது தான் ஸ்வஸ்த விருத்தம். யோகா மட்டும் இல்லாமல் நம் நடைமுறை வாழ்க்கையில் நாம் பின்பற்ற வேண்டியவை மற்றும்  தவிர்க்க வேண்டியவைகள் பற்றியும் இச்சாஸ்திரத்தில் விவரிக்கப்பட்டுள்ளது.



ஸ்வஸ்த விருத்தத்தில் ஆரோக்கிய வாழ்வு.


வாழ்க்கையில் கடைபிடிக்க வேண்டியவை :-

1. சத்விருத்தம் -     நற்குணங்களை கடைபிடித்தல்.


சத்விருத்த முறைகள் :-

எப்பொழுதும் உண்மையினை பேசுதல்.
சுய கட்டுப்பாட்டுடன் வாழுதல்.
இனிமையான வார்த்தைகளை பேசுங்கள்.
இடத்திற்கு ஏற்றாற்போல் பேச வேண்டும்.
உணர்வுகளை கட்டுப்படுத்த வேண்டும்.
பெரியோர்களை மதிக்க வேண்டும்.
ஆசிரியர் மற்றும்  பெற்றோர்களை மதிக்க வேண்டும்.
எந்த உயிர்க்கும் தீங்கு விளைவிக்க கூடாது.
தர்மம் செய்ய வேண்டும்.
சுத்தமான உடைகளை அணிய வேண்டும்.
கருணை உள்ளம் வேண்டும்.
நல்லவர்களோடு பழக வேண்டும்.
கோபம், பொறாமை, ஆசைகளை கைவிட வேண்டும்.



2. ஆச்சார்ய ரசாயன முறை:- 

கடவுள் நம்பிக்கை வேண்டும்.
மதுப்பழக்கம் கூடாது.
முதியவர்கள், பெற்றோர்களை மதிக்க வேண்டும்.
கோபத்தினை தவிர்க்க வேண்டும்.
கடின உழைப்பு மற்றும்  அதிக உடலுறவினை தவிர்க்க வேண்டும்.
மனதினை அமைதியாக வைத்திருத்தல்.
இனிமையான வார்த்தைகளை பேச வேண்டும்.
நல்ல உறக்கம் வேண்டும்.
தியானம் செய்ய வேண்டும்.
நல்ல உணவுகளை தேர்ந்தெடுத்து உன்ன வேண்டும்.
இந்திரியங்களை அடக்கி ஆள வேண்டும்.



யோகத்தின் 8 அங்கங்கள் :-
1. யம
2. நியம
3. ஆசனம்
4. பிராணாயாமம்
5. பிரத்தியாகாரம்
6. தாரண
7. தியான
8. சமாதி



1. யமம் :-

அகிம்சையை கடைபிடித்தால்.
உண்மையாக நடந்துகொள்வது.
திருடக்கூடாது.
பிரம்மச்சர்யத்தை கடைபிடித்தல்.
கடவுளை தொழ வேண்டும்.


2. நியமம் :-

உடலையும், மனதையும் தூய்மையாக வைக்க வேண்டும்.
மகிழ்ச்சியாக வாழ வேண்டும்.
அகிம்சை, பிரம்மச்சர்யம்.
கடவுளை தோழ வேண்டும்.
ஆன்மீக புத்தகத்தை படிக்க வேண்டும்.
ஆன்மீகத்தில் நம்பிக்கை வேண்டும்.



3. ஆசனம் :-

யோகத்தின் மூன்றாவது அங்கமாக ஆசனம் விவரிக்கப்பட்டுள்ளது.மனதினை கட்டுப்படுத்த வேண்டுமெனில் முதலில் உடலினை கட்டுப்படுத்த வேண்டும். அவ்வாறு உடம்பினை கட்டுக்குள் வைத்துக்கொள்வதற்கு தான் ஆசனம் உதவுகிறது.


பல்வேறு வகையான ஆசனங்கள் ஆயுர்வேதத்தில் கூறப்பட்டுள்ளது. ஆயுர்வேத மருத்துவத்தில் ஆசனம் என்பது சிறிதும் கடினம் இல்லாமல் உடலினை ஒருநிலை படுத்தும் நிலையாகும்.




4. பிராணாயாமம் :-

பிராணம்-மூச்சு;  ஆயம-நீண்ட அல்லது  அடக்கிவைத்தல்.
மூச்சினை கட்டுப்படுத்தி செய்யும் பயிற்சிகள்.
யோககலையில் பிராணாயாமம் முக்கிய பங்கு வகிக்கின்றது.



5. பிரத்தியாகாரம் :-

இந்திரியங்களிடம் இருந்து மனதினை பிரித்து கட்டுக்குள் அடக்கி ஆள வேண்டும்.



6. தாரண :-

மனதினை ஒரு நிலை படுத்துதல்.



7. தியான :-

தியான நிலையில் தன்னிலை மறக்க வேண்டும்.



8. சமாதி :-
மேற்கொண்ட ஏழு அங்கங்களையும் சரியாக கடைபிடித்தால் மட்டுமே யோகத்தின் குறிக்கோளான மோட்ச நிலையை அடைய முடியும்.



ஆயுர்வேத சிகிச்சை முறையில் யோகா :-

1. தைவவியாபாஸ்ரய சிகிச்சை.
2. யுக்திவியாபாஸ்ரய சிகிச்சை.
3. சத்வ அவஜய சிகிச்சை.

சத்வ அவஜய சிகிச்சையில் உடலையும் மனதையும் நோயிலிருந்து விலக்கி ஆரோக்கியம் அளிப்பதற்கு யோக சிகிச்சை முக்கிய பங்கு வகிக்கின்றது.





ஆயுர்வேதத்தில் பல இடங்களில் யோகா பற்றிய குறிப்பேடுகள் காணப்படுகின்றன. ஆயுர்வேதமும் யோகவும் உடலும் உயிரும் போன்றது. எந்நாளும் இதனை ஒன்றிலிருந்து ஒன்றினை பிரிக்க முடியாது.


இதனை அறியாத பல போலி நிறுவனங்கள் யோகாவை மட்டும் பயன்படுத்தி உங்களுக்கு ஆரோக்கியம் அளிக்கின்றோம் என மக்களிடம் ஏமாற்று வேலை செய்கிறார்கள்.


யோகா பயில வரும் மக்களுக்கு தெரியாமலேயே பல ஆயுர்வேத மருந்துகள் கொடுக்கப்படுகின்றன. மக்களும் என்னவென்று தெரியாமல் வாங்கி உட்கொள்கின்றனர். நோய்கள் குணப்படுத்தப்பட்டு அவர்கள் திரும்பி செல்லும் போது ஆயுர்வேதம் மறைக்கப்பட்டு யோகா கண் கண் முன்  நிற்கிறது.


ஆயுர்வேதத்தில் கூறப்பட்டுள்ள சத்விருதம் போன்ற நற்குணங்களையும், யம ,நியமங்களை கடைபிடிக்காமல் ,ஆயுர்வேத மருந்துகளையும் கடைபிடிக்காமல் வெறும் ஆசனம் செய்வதால் நோய்கள் குணமாகாது.


ஆசனம் என்பது யோகா ஆகாது அது வெறும் உடற்பயிற்சி அஷ்ட அங்க யோகத்தினை பின்பற்றுவதுதான் முழுமையான யோக கலை.


ஆயுர்வேதம் இல்லாமல் யோகா இல்லை என்பதனை மனதில் நிலைநிறுத்துங்கள்.


போலி நிறுவனங்களின் சொற்பொழிவில் விழுந்து பணத்தினை வீணாக பறிக்கொடுக்காதீர்கள்.


குறிப்பு –சித்த மருத்துவத்தின் ஒரு கூறாக கூட யோகாவை கூற முடியும்


கார்பரேட் யோகா சாமியார்கள் –யோகாவை தங்களது பிராண்ட் ஆக மாற்றி வருகிறார்கள் . கார்பரேட் சாமியார்கள் விரிக்கும் யோகா என்ற வலையில் வீழ்ந்து மடிக்கிற மன அழுத்தமுள்ள இந்த கால மனிதர்களுக்கு என்ன சொன்னலும் காதில் விழ போவதில்லை ...யோகாவை காசாக்கும் வித்தை தெரிந்த சாமியார்கள் , ஆசிரமங்கள்  விரிக்கும் நம்மை ஆன்மீகத்தில் அழைத்து செல்லுமா ? செம்மறியாட்டு கூட்ட மக்கள் மாற போவதில்லை ...
ஆயுர்வேதமே யோகாவின் தாய் என்பதை உணர்த்த இந்த சர்வதேச யோக தினத்தில் ஒரு சிறிய கட்டுரை ..



ஆயுஷ் மருத்துவ சிகிச்சை மூலம் நோய்களில் இருந்து விடுதலை பெறுவோம் . யோகாவை வாழ்கை முறையாக வாழ –யோகாவை சரியாக கற்போம் .யோக மற்றும் ஆயுர்வேத மருத்துவ ஆலோசனைக்கு
அல் ஷிபா ஆயுஷ் மருத்துவமனை
கடையநல்லூர் 90 4222 5333
திருநெல்வேலி 90 4222 5999
ராஜபாளையம் 90 4333 6888
சென்னை 90 4333 6000 ( ஹெர்ப்ஸ் & ஹீல்ஸ் மருத்துவமனை-கீழ்கட்டளை )

Post Comment

சனி, ஜூன் 17, 2017

லேசர் அறுவை சிகிச்சை போன்ற ஆயுர்வேத க்ஷார கர்மம் சிகிச்சை.


லேசர் அறுவை சிகிச்சை போன்ற ஆயுர்வேத க்ஷார கர்மம் சிகிச்சை.

டாக்டர்.அ.முகமது சலீம் (cure sure ).,BAMS.,M.Sc.MBA
டாக்டர்.ஜீவா.,BAMS.

கத்தியின்றி ரத்தமின்றி பக்கவிளைவுகள் சிறிதும் இன்றி  அறுவை சிகிச்சை செய்ய முடியுமா ?.. நிச்சயமாய் முடியும் ஆயுர்வேத க்ஷார கர்ம சிகிச்சையில்...

இக்காலகட்டத்தில் ஆசனவாய் நோய்களுக்கு கடைசி தீர்வு அறுவை சிகிச்சையாகவே உள்ளது.இல்லையெனில் மூலநோய்க்கு ஒரு ointment,பெளத்திர நோய்க்கு ஒரு ointment,ஆசனவாய் புண்களுக்கு ஒரு ointment என அப்போதைக்கு ஒரு வலி நிவாரணியை தேடுகிறோம்.

இதற்கு நிரந்தர தீர்வு தான் என்ன.? அறுவை சிகிச்சை இல்லாமல் முழுமையான நிவாரணம் பெறுவது எப்படி.?என்ற உங்களது கேள்விக்கெல்லாம் பதில் இதோ.

க்ஷார கர்ம பிரயோகம்

க்ஷாரம் என்றால் என்ன.?

மூலிகைச் செடிகளை எரித்து கிடைக்கும் சாம்பலில் இருந்து தயாரிக்கப்படும் alkaline க்ஷாரம் எனப்படும்.

க்ஷாரத்தின் வகைகள் :-

☘ பிரதிசாரனிய க்ஷாரம் (வெளிபுற பிர யோகம்)

☘ பானீய  க்ஷாரம் (உள் பிரயோகம்)

பிரதிசாரனிய க்ஷாரத்தின் உட்பொருள்கள் :-

☘ நாயுருவி செடியின் சாம்பல்.

☘ சங்கு.

☘ கொடுவேலி.

இதன் PH -ன் மதிப்பு 13.5

பிரதிசாரனிய க்ஷாரத்தின் குணாதிசயங்கள் :-

☘ வாத,பித்த,கபம் ஆகிய மூன்று தோஷங்களையும் சமநிலை படுத்தக்கூடியது.

☘ மிகவும் உஷ்ணத்தன்மை வாய்ந்தது.

☘ பார்ப்பதற்கு  வெள்ளை நிறத்தில் இருக்கும்.

☘ தேவையற்ற தசை (அ) கட்டிகளின் மீது பூசும் பொழுது முழுமையாக கரித்து விடும்.

☘ குணப்படுத்தப்பட்ட நோய்கள் மீண்டும் உற்பத்தி ஆகாது.

குணப்படுத்தப்படும் நோய்கள் :-

☘ உள்புற மூலநோய்கள்.

☘ அறுவை  சிகிச்சை முடிந்த பெளத்திர நோய்.

☘ மலக்குடல் இறக்கம்.

☘ ஆழ்துளை புண்கள்.

☘ ஆசனவாய் புண்கள்.

☘ டான்சில் வீக்கம்

☘ மூக்கில் சதை வளர்ச்சி

உள்புற மூல நோயில் பிரதிசாரனிய க்ஷாரத்தின் பங்கு :-

🍃 Proctoscope -இயந்திரத்தின் உதவியைக் கொண்டு ஆசனவாயினை விரிவடைய செய்தபின் உள்புறத்தில் இருக்கும் மூலத்தின் மீது  க்ஷாரத்தை தடவி சிறிது நேரம் காத்திருக்க வேண்டும்.

🍃சிறிது நேரத்தில் க்ஷாரமானது சிவப்பு நிறமுள்ள மூல சதையினை எரித்து நாவல் பழ  கரு ஊதா நிறமாக்கிவிடும்.

🍃 இவ்வாறு செய்வதன் மூலம் மூல நோயினை உருவாக்கும் திசுக்கள் முழுமையாக அழிக்கப்படுகிறது.

பெளத்திர நோயில் பிரதிசாரனிய க்ஷாரத்தின் பங்கு :-

🍃 முதன்மை நிலை பெளத்திர துளையில்   க்ஷாரம் பயன்படுத்துவதன் மூலம் 2 நிமிடங்களிலேயே  பெளத்திர துளை மறந்து போகிறது.

🍃 இவை மட்டுமல்லாமல் மலக்குடல் இறக்கத்திலும்,ஆசனவாய் புண்களின் மீதும் க்ஷாரம் பயன்படுத்துவதால் சிறிது நேரத்திலேயே முழுமையாக குணப்படுத்தப்படுகின்றன.

க்ஷார கர்மத்தின் சிறப்பம்சங்கள் :-

🍃 அதிக வலிகள் இல்லை.

🍃இரத்தம் வராது .

🍃 நோய்கள் மீண்டும் உற்பத்தியாகாது .

🍃தங்கி சிகிச்சை எடுக்கவேண்டிய அவசியம் இல்லை .

பானிய க்ஷாரம் :- (உள்புற பிரயோகம்)

வெளிப்பிரயோகத்தில் மட்டுமல்லாமல் க்ஷாரத்தினை உட்கொள்வதாலும் பல நோய்கள் குணப்படுத்தப்படுகின்றன.

பானிய க்ஷாரத்தின் உட்பொருள்கள் :-

🍃 சிற்றெல்.

🍃 நாயுருவி.

🍃பலாசம் .

🍃வாழை

🍃நெல்லி

குணப்படுத்தப்படும் நோய்கள் :-

🍃 மூத்திரக்கல்

🍃 நீர்கட்டிகள்

🍃 கொழுப்பு கட்டிகள்

🍃 மூத்திரக்குழாய் அடைப்பு

🍃 இரத்தக் குழாய் அடைப்பு

இத்தகைய நோய்கள் மட்டுமல்லாமல், மருந்துகளால் குணப்படுத்த முடியாத அனைத்து வகையான நோய்களையும் க்ஷார ப்ரயோகத்தின் மூலம் குணப்படுத்தமுடியும்.
ஆனால்  க்ஷாரத்தினை தவறாக பிரயோகம் செய்தால் பலவிதமான பக்கவிளைவுகள் வந்து சேரும்.

ஆகையால் தகுந்த ஆயுர்வேத மருத்துவர்களை தேர்ந்தெடுப்பீர்.

இயற்கை மருத்துவ சிகிச்சை பெற சிறந்த ஆயுஷ் மருத்துவ ஆலோசனைக்கு
அல் ஷிபா ஆயுஷ் மருத்துவமனை
கடையநல்லூர்  90 4222 5333
திருநெல்வேலி  90 4222 5999
ராஜபாளையம் 90 4333 6888
சென்னை 90 4333 6000 (ஹெர்ப்ஸ் & ஹீல்ஸ் மருத்துவமனை கீழ்கட்டளை, சென்னை)

Post Comment