வலிகளை போக்கும் எளிதாக செய்யகூடிய பிண்ட தைலம் செய்வது எப்படி ? -Pinda thailam

வலிகளை போக்கும் எளிதாக செய்யகூடிய பிண்ட தைலம் செய்வது எப்படி ? -Pinda thailam                                                                       

(ref-ஸஹஸ்ரயோகம் - தைலப்ரகரணம்)

தேவையான மருந்துகளும் செய்முறையும்: 

1.            தண்ணீர் – ஜல        3.200 லிட்டர்

2.            நல்லெண்ணெய் – திலதைல 0.800 கிலோ கிராம்

ஆகிய இவைகளில்

1.            மஞ்சட்டி – மஞ்ஜிஷ்டா 50 கிராம்

2.            நன்னாரி – ஸாரிவா         50     “

இவைகளைக் கல்கமாகச் சேர்த்துக் காய்ச்சி கர பாகத்தில் இறக்கி சிறு துண்டுகளாக்கிய தேன் மெழுகு (மதூச்சிஷ்ட) 50 கிராம்

 , நன்கு பொடித்த வெள்ளைக் குங்கிலியம் (ஸர்ஜரஸ) 50 கிராம் 

இவைகளை எண்ணெய் வடிகட்டும் பாத்திரத்திலிட்டு (மேற்படி) எண்ணெய்யை வடிக்கட்டி அந்தச் சூட்டிலேயே அவைகளை நன்கு கரையும்படி கலக்கி பத்திரப்படுத்தவும்.

குறிப்பு:   

1. மஞ்சட்டி, நன்னாரி, இவைகளின் கஷாயம் சேர்த்தும் இது தயாரிக்கப்படுகிறது.
2.  தயிர்த் தெளிவு, காடி, பலாமூல கஷாயம், தண்ணீர் விட்டான் கிழங்கு கஷாயம், புங்கம் பட்டை கஷாயம், சீந்தில் கொடி கஷாயம், இவைகளை ரோகங்களின் நிலையைப் பொருந்தச் சேர்த்தும் தயாரிப்பது உண்டு.
3.  மரத்துப் போதல், சுருங்குதல் போன்ற நிலை உள்ள வாத ரோகங்களில் விளக்கெண்ணெய், வேப்பெண்ணெய் இவைகள் சேர்த்தும், குஷ்டம் முதலியவைகளுக்கு நீரடிமுத்து எண்ணெய் சேர்த்தும் செய்யலாம்.
4.  சம்பிரதாயத்தில் மஞ்ஜிஷ்டா, நன்னாரி இவைகளை வகைக்கு 2 ½ பங்கு என்ற விகிதத்தில் எடுத்து அவற்றை நல்லெண்ணெய் 32 பங்குடன் கல்கமாகச் சேர்த்துக் காய்ச்சி இறக்கி வடிகட்டிச் சிறிது சூடாக்கி அதில் தேன் மெழுகு, வெள்ளைக் குங்கிலியம், இவைகளை முறையே 1.5 : 1 என்ற விகிதத்தில் சேர்த்துத் தைலம் தயாரிக்கப்படுகிறது
   
   

 

பயன்படுத்தும் முறை:      \

மேற்பூச்சாக (அப்யங்க) வெளி உபயோகத்திற்கு மட்டும்.

தீரும் நோய்கள்: 

 குதிகால்வாதம் (வாதரக்த), எரிச்சல் (தாஹ), நரம்பு மண்டல சீர்கேட்டாலேற்படும் வலி, வீக்கம் (ஸோப), அடிபடுதல் (அபிகாத), கட்டிகள் (பிடக), தீப்புண்கள் (தக்தவ்ரண), காயங்கள் (வ்ரண), குதிகால் வெடிப்புகள் (விபாதிகா), தோல் நோய்கள் (குஷ்ட ரோக) ஆகியன.

தெரிந்து கொள்ள வேண்டியவை

1. நான்கே மூலப் பொருட்கள் -எளிதாக செய்யகூடிய மருந்து இது
   
2. அரை மணிநேரத்தில் -ஐந்து லிட்டர் கூடப எளிதாக காய்ச்சிவிட முடியும்( கஷாயம் ரெடியாக இருந்து நல்ல நெருப்புடன் கூடிய சூப்பர் அடுப்பு கிடைத்தால் )
3.  ஆயில் என்றும் இதனை செல்லமாக அழைப்பார்கள்
   
4. எல்லா ஆரம்ப சுகாதார நிலையத்திலும் சித்த ,ஆயுர்வேத மருத்துவ பிரிவில் தரமான இந்த தைலம் காசில்லாமல் கிடைக்கும்
   
5. சூடு செய்து வலி உள்ள இடங்களில் தேய்த்து ஒத்தடம் கொடுத்தால் -சாதாரணமான வலிகள் எல்லாம் ஓடிப்போகும்
   
6. தொடர்ந்து தேய்த்தால் எலும்புக்கும் வலு தரும்
   
7. தேன் மெழுகு உள்ளதால் -இயன் முறை மருத்துவத்தில் செயல்படுத்தப்படும் -மெழுகு ஒத்தடம் என்ன பலன் அளிக்குமோ அந்த பலனை இந்த தைலம் தேய்ப்பதால் அடைந்து கொள்ளலாம்
   
8. பிண்ட தைலம் என்ற தலைப்பில் இருபத்து நான்கு வகைக்கும் மேல் உள்ளதாக ஆயுர்வேத மருத்துவர் -நண்பர் -டாக்டர் பாலமுருகன் ஒரு சூப்பர் புத்தகம் வெளிவிட்டு உள்ளார் ..மிக நல்ல புத்தகம் அது ..ஆதாரப் பாட்டுகளுடன் அற்புதமான ஆயுர்வேத படைப்பு அது ..
9. வலிகளை மட்டுமல்லாது குதிகால் வெடிப்பு ,ஆசனவாய் வெடிப்புக்கும் இந்த தைலம் பயன்படும்
   
10. பிண்ட தைலம் -சதை -எலும்பு -மூட்டு -முதுகுதண்டுவட வலிகளை போக்கும் ...
11. நம்பிக்கை கொண்டு தேய்க்கும் முறை அறிந்து உரிய இடத்தில் தேய்க்க வாத வலிகள் காணாமல் போகும்
    

Post Comment

மூட்டுக்கு பசை உண்டாக்கும் அற்புத மருந்து -க்ஷீரபலாதைலம் (ஆவர்த்தித்தது)-KSHEERA BALA 101

மூட்டுக்கு பசை உண்டாக்கும் அற்புத மருந்து -க்ஷீரபலாதைலம் (ஆவர்த்தித்தது)-KSHEERA BALA 101

தேவையான மருந்துகளும் செய்முறையும்:

                சாதாரண க்ஷீரபலா தைலம் செய்த முறைப்படியே குறிப்பிட்ட அளவு நல்லெண்ணெய் திரும்பத்திரும்ப மற்ற சரக்குகளை அதிகமாக எடுத்துச் சேர்த்து மீண்டும், மீண்டும் காய்ச்சி மத்யமபாகத்தில் வடிகட்டி “ஆவர்த்தித்த க்ஷீரபலா தைலம்”

தயார் செய்யப்படுகிறது.

                மாறாத ஒரே அளவு எண்ணெய்யில், ஒவ்வொரு ஆவர்த்தனத்திற்கும் ஏற்ப பலாமூலம், பால் இவைகளின் பங்குகள் மட்டுமே கூடுதலாக அமைந்து சிறந்ததோர் நோய் தீக்கும் குணத்தை அளிக்கின்றன.ஆகையால் துளி அளவுகளில் உபயோகிக்கப்பட்டும் சிறந்த பலன்களை இவைகள் அளிக்கின்றன.

                அதாவது நல்லெண்ணெய்யின் அளவு மட்டும் மாறாது, மற்ற சரக்குகளின் அளவுமட்டும் ஆவர்த்தனத்திற்கு ஆவர்த்தனம் அதிகமாகும். எனவே அதிகமான தடவைகள் ஆவர்த்தனம் செய்யப்பட்ட தைலம் மிகவும் வீரியமுள்ளதாகிறது.

                இந்த விதமான ஆவர்த்தனம் 3 முதல் 101 தடவைகள் வரை செய்யப்படுகின்றன. ஆவர்த்தனம் அதிகமாக அதிகமாக அவற்றின் குணமும் அதிகரிக்கிறது.

அளவு:         

 (பலவித ஆவர்த்தனங்கள்)

7 முறை ஆவர்த்தித்தக்ஷீரபலா தைலம்: 10 முதல் 30 துளிகள் வரை பால், ஜீரகக் கஷாயம் அல்லது வேறு பொருத்தமான கஷாய வகைகளுடன் இரு வேளைகள் சாப்பாட்டிற்கு முன்.

28 முறை ஆவர்த்தித்த க்ஷீரபலா தைலம்:    7 முறை ஆவர்த்தித்த க்ஷீரபலா தைலத்தை போலவே பயன்படுத்த வேண்டும். இது முதலில் குறிப்பிட்டதைவிடச் சிறப்பானது.

101 முறை ஆவர்த்தித்த க்ஷீரபலா தைலம்:   5 முதல் 10 துளிகள் வரை பால் முதலியவைகளுடன் ஒரு வேளை முதல் இரு வேளைகள் வரை.

தீரும் நோய்கள்: 

 முகவாதம் (அர்திதம்), தோள் பட்டை வாதம் (அப்பாஹுக), கீல்வாயு (சந்திவாத) ஆமவாதம் (ஆமவாத) போன்ற பலவிதமான வாத நோய்கள் (வாத ரோக), நரம்புத்தளர்ச்சி (நாடீதௌர்பல்ய), இளைப்பு (கார்ஸ்ய / க்ஷய), பலவீனம் (தௌர்பல்ய), தூக்கமின்மை (அநித்ரா), சூர்யாவர்த்தம் போன்ற தலைவலிகள் (சிரோரூஜா), ரத்தக்கொதிப்பு, சரீரத்தை இது நன்கு போஷிக்கிறது.

                நரம்புமண்டலம் கடுமையாகச் செயலிழந்த நிலையிலும், தூக்கமில்லா நிலையிலும் தலைக்குத் தேய்க்கப்படுகிறது. நசிய மிடவும் பயன்படுத்தப்படுகிறது.

தெரிந்து கொள்ள வேண்டியவை

1. ஆங்கில மருத்துவர் -மூட்டு தேய்மானம் -ஒன்றுமே செய்ய இயலாது என்று கூறும் இடத்தில் எல்லாம் இந்த மருந்து சவால் விடும் (தொடர்ந்து ஆறு மாதமாவது சாப்பிடணும்)
2. குளுகோஸ் அமைன் சல்பேட் என்னும் -குருத்தெலும்பு வளர்ச்சிக்கு உதவும் மருந்தை விட பல நூறு மடங்கு நன்றாக கார்டிலேஜ் என்னும் குருதெலும்பை வளர்த்து சாதனை புரியசெய்யும்
   
3. முதுகு தண்டு வட டிஸ்க் பிரச்சனைக்கும் இந்த மருந்து சூப்பரோ சூப்பர் மருந்து
   
4. வாத நோய்களில் இந்த மருந்து கண் கண்ட மருந்து
   
5. உடலை தேற்றும் ,பலம் தரும் ,வன்மை புகட்டும் ..
6. கொழுப்பு அதிகம் உள்ளவர்கள் -தக்க ஆலோசனை படி இந்த மருந்தை பயன் படுத்துவது நல்லது ..
7. க்ஷீர பலா நூறு -வாத நோய் சிகிச்சையில் பயன்படுத்தபடுவது -நூற்றுக்கு நூறு
   
8. நரம்பு மண்டல நோய்க்கு சிறந்த மருந்து
   

Post Comment

இடுப்பு டிஸ்க் சார்ந்த பிரச்சனையால் ஏற்படும் -முதுகுவலிக்கு சிறந்த மருந்து -கந்தர்வஹஸ்தாதி க்வாத சூர்ணம்-Gandarva hastadhi Kashayam

இடுப்பு டிஸ்க் சார்ந்த பிரச்சனையால் ஏற்படும் -முதுகுவலிக்கு சிறந்த மருந்து -கந்தர்வஹஸ்தாதி க்வாத சூர்ணம்-Gandarva hastadhi Kashayam

(ref-ஸஹஸ்ரயோகம் - கஷாயப்ரகரணம்)

தேவையான மருந்துகளும் செய்முறையும்:

1.            ஆமணக்குவேர் – ஏரண்டமூல                     - 10 கிராம்

2.            ஆவில்பட்டை – பூதிகத்வக்                         - 10       “

3.            கொடிவேலிவேர் – சித்ரகமூல                      - 10       “

4.            சுக்கு – சுந்தீ                                        - 10       “

5.            கடுக்காய் (கொட்டை நீக்கியது) – ஹரீதகீ பலத்வக்  - 10       “

6.            மூக்கிரட்டைவேர் – புனர்னவா                     - 10       “

7.            சிறுகாஞ்சூரி     - துராலபா                      - 10       “

8.            நிலப்பனைக்கிழங்கு – முசலீ கந்த               - 10       “

மேற்கூறிய சரக்குகளை நன்கு சுத்தம் செய்து ஒன்றிரண்டாகப் பொடித்து காற்றுபுகாத கொள்கலன்களில் பத்திரப்படுத்தவும்.

கஷாயம் தயாரிக்கும் விதம்:

                                கஷாயப் பொடி – 60 கிராம்

                தண்ணீர்      - 960 மில்லி லிட்டர்

                இவற்றை நன்கு கொதிக்க வைத்து 120 மில்லி லிட்டராகக் குறுக்கி ஆறியபின் வடிக்கட்ட வேண்டியது.

அளவு:          

 30 முதல் 60 மில்லி லிட்டர் வரை இந்துப்பு, வெல்லம் சேர்த்து காலையிலும், படுக்கும்போது என இரு வேளைகள்.

தீரும் நோய்கள்:  

பசியின்மை (அ) ஜீரணமந்தம் (அக்னிமாந்த்ய). ருசியின்மை (அருசி), மலச்சிக்கல் (மலபந்த), வீக்கம் (ஷோப), நரம்புக் கோளாறுகள், கீல்வாயு (சந்திவாத) போன்ற பலவிதமான வாத நோய்கள், மலமிளக்கிச் செய்கை கிட்ட வேண்டுமாயின் இந்துப்பு மற்றும் வெல்லம் சேர்ந்து இதனை அருந்த வேண்டும்.

                பஞ்சகர்ம சிகிச்சை முறையான நவரக்கிழி, தாரை, பிழிச்சல் முதலியவற்ரைத் தொடங்குமுன், தினமும் இது உபயோகிக்கப்படுவதால் இதற்கு “பாத்திக் கஷாயம்” என்றும் பெயர் உண்டு.

                மற்ற மருந்துகளுக்கு அனுபானமாகவும் உபயோகிக்கலாம்.

தெரிந்து கொள்ள வேண்டியவை -

1. இடுப்பு வலி ,அடி முதுகு வலி ,பெண்களின் வெள்ளைபடுதளால் உண்டாகும் குறுக்கு வலி -போன்ற இடுப்பு வலி சார்ந்த பிரச்சனைக்கு இந்த மருந்து மிக பிரமாதமாக வேலை செய்யும் ..
2. இடுப்பில் உள்ள டிஸ்க் நழுவல் ,டிஸ்க் கிழிதல், டிஸ்க்கின் பிதுக்கம் ,டிஸ்க்கின் எல்லாவிதமான பிரச்சனைக்கு -இந்த மருந்தோடு சஹாச்சராதி கசாயம் சேர்ந்து உள்ளே -க்ஷீர பலா நூற்று ஒன்று ஆவர்திதம் -சேர்த்து சாப்பிட நல்ல பலன் தரும்
   
3. பஞ்சகர்ம என்னும் உடலை சுத்தம் செய்யும் சிகிச்சையில் மிக முக்கியமான வஸ்தி என்னும் சிகிச்சையில் பிரிவான கஷாய வஸ்திக்கு இந்த மருந்தை என்னை போன்ற ஆயுர்வேத மருத்துவர்கள் அதிகம் பயன்படுத்துவோம்
   
4. ஆமணக்கு வேர் -மலமிளக்கி என்பதால் வாதம் தடையாக உள்ள எல்லா நோய்களுக்கும் -இந்த மருந்து சிறந்த மருந்து ..
5. காந்தர்வ ஹஸ்தம் -என்றால் அரக்கனின் கை என்று பொருள் -இது ஆமணக்கின் வேறு பெயர் என்று தெரிதல் நல்லது
   
6. நிலபங் கிழங்கு என்னும் ஆண்மை பெருக்கும் மூலிகை இருப்பதால் இந்த மருந்து தாதுக்கள் குறைவினால் ஏற்படும் நோய்களுக்கும் சிறந்து
   

Post Comment